Unicode Ver
၉၈။ နမ်းတဲ့နည်း
မော့ဟန်က ကြောင်အနေသည့် ကောင်လေးအား ကြည့်ကာ
"တောင်းပန်ပါတယ်။ တကယ်လန့်သွားမှာပဲ။ သူကမူးလာရင် ဒီလိုပဲ"ထိုကောင်လေးမှာ ရှုချင်းရီအား ကူကယ်ရာမဲ့စွာကြည့်ရင်း ပြုံးရုံပဲတက်နိုင်တော့သည်။
မော့ဟန်ကတော့ သူမအား ဒီနေရာတွင် ကြာကြာဆက်မထားနိုင်တော့ပါ။ သူ့အိတ်ထဲက လိပ်စာကဒ်ကို ထိုကောင်လေးအား ပေးကာ
"ဒီနေ့အခြေအနေအရ ဒီလိုလုပ်မှပဲ ဖြစ်တော့မှာ မလို့ပါ။ စိတ်မရှိရင် ကျွန်တော်တို့ စက်ဘီးကို ယူစီးသွားပါ့မယ်။ သေချာပေါက် ကျေးဇူးပြန်ဆပ်ပါ့မယ်ဗျာ"ထိုကောင်လေးက နားလည်ကြောင်းပြောကာ သူထွက်မသွားခင် သူ့အိမ်လိပ်စာကို ပြောပြသွားခဲ့သည်။
ရှုချင်းရီမူးသွားသည့်နောက်မှာတော့ မော့ဟန်က အခုစက်ဘီးနင်းရဖို့ ဖြစ်လာသည်။ အခုသူ့အတွက် အရေးကြီးသည်ကလည်း သူမအား အိမ်သို့လုံခြုံစွာ ပြန်ပို့ပေးပြီး အိပ်ခိုင်းရန်သာ ဖြစ်သည်။ ဆိုးသည်ကတော့ သူ့အတွေးများကို နားမလည်သည့် ရှုချင်းရီမှာ သူမဟာသူမ ပျော်ရွှင်စွာရယ်နေသည်။ သူမက အသံတိတ် သီချင်းညည်းနေကာ လက်များကို တလှုပ်လှုပ်ဖြင့် ကနေသည်။ မော့ဟန်က သူမပြုတ်ကျမှာ စိုးရိမ်သောကြောင့်
"ငြိမ်ငြိမ်နေ။ ငါ့စကားနားထောင်ပြီး ငါ့ကိုကိုင်ထား"ရုတ်ချင်းဆိုသလိုပဲ ရှုချင်းရီဟာ သူ့ခါးကို လက်နှစ်ဖက်ဖြင့် ဖက်လိုက်ကာ သူ့ကျောကိုမှီလာသည်။ မော့ဟန်က သူမ၏အပြုအမူကြောင့် လန့်သွားကာ စက်ဘီးမှောက်တော့မလို ဖြစ်သွားသည်။
"သဘောကျလား?"
ရှုချင်းရီက နောက်ကနေ မေးသည်။မော့ဟန်က စက်ဘီးကို ဆက်နင်းနေရင်းက သူမအား လျစ်လျူရှုထားသည်။
"သဘောကျလားလို့!"
မော့ဟန်အားလှုပ်ကာ လေသံက ကျယ်လာသည်။"ဘာကိုလဲကွာ?"
မော့ဟန်မှာ စိတ်အနှောင့်အယှက် ဖြစ်နေသည်။"အနမ်းကိုလေ"
ရှုချင်းရီက နူးညံ့စွာရယ်နေသည်။မော့ဟန်က ဒီတစ်ခါမှာတော့ စက်ဘီးဘရိတ်ကို ညှစ်မိသည့်အထိ လန့်သွားသည်။ ရှုချင်းရီမှာ သူ့ကျောဖြင့် ဆောင့်မိသွားသည်။ သို့သော်လည်း သူက ဘာမှပြန်မဖြေဘဲ စက်ဘီးကို ဆက်သာနင်းသည်။
YOU ARE READING
If the Deep Sea forgets you (Myanmar Translation)
Mystery / ThrillerAuthor(s) : Su Fuling Title : If the deep sea forgets you Credit to all အတိတ်မေ့နေကာ အားကိုးရာမဲ့ဖြစ်နေသည့် ကောင်မလေးတစ်ယောက်ကို နာမည်ကြီးရှေ့နေကြီးတစ်ယောက်က ကယ်တင်မိရာကစပြီးတော့ . . . ရှေ့နေကြီးမှာ အကိုတစ်ယောက်အနေဖြင့် ထိုကောင်မလေးကို အိမ်ပေါ်ခေါ်တ...