Unicode Ver
၈၇။ စွပ်ပြုတ်
သူမမသိခဲ့သည်ကတော့ သူမအရှေ့က မော့ဟန်မှာ မနေ့ညက ရှုချင်းရီအား ကားပေါ်တွင် မြင်ခဲ့ရသည့်အခိုက်အတန့်ကို ပြန်တွေးနေခြင်းပင်။
'ဒါဆိုရင် သူ့ကိုတစ်ညလုံး ဒီကောင်မလေးက တကယ်စောင့်ရှောက်ခဲ့သည်ပေါ့'
မော့ဟန်၏ရင်ထဲတွင် ခံစားချက်တွေမှာ ရောပြွန်းနေပြီ။ သူထုတ်ပြောချင်ပင်မယ့် ဘယ်လိုစရမလဲ သူမသိတော့ပါ။ပိုင်ယုက သူ့ဘေးကနေ တိုးတိုးကပ်ပြောသည်။
"သိပ်မသိသာပင်မယ့် မင်းညီမလေးက မင်းကိုအရေးပါတဲ့သူလို ဆက်ဆံသားပဲ"ဆရာဝန်ထွက်သွားသည့်အခါ မော့ဟန်က ပိုင်ယုအား သူ့ဖုန်းကို ယူပေးခိုင်းသည်။ ထို့နောက် လျူဇီယွမ်အား သူ့၏ရုတ်တရပ် ဆေးရုံတက်ရမှုအကြောင်းအား အသိပေးလိုက်သည်။ သူ့အခြေအနေကို မသိကြဘဲ ဆက်သွယ်၍မရပါက် ရုံးတွင် ရှုပ်ယှက်ခက်ကုန်ကြမည်ကို တွေးမိသောကြောင့် ဖြစ်သည်။
ဒါပင်မယ့်လည်း ရှုချင်းရီက သူတို့ကို အကြောင်းကြားပြီးကာ မော့ဟန်၏အလုပ်များကို ရွှေ့ထား၍ မော့ဟန်ဆီမှ ဆက်သွယ်လာမည့်အချိန်အထိ စောင့်ခိုင်းထားခြင်းကို ထိုအခါမှ သူသိလိုက်ရသည်။
မော့ဟန်က ဒါကိုကြားလိုက်ရသည့်အခါ သူဘာလုပ်ရမှန်းမသိ ဖြစ်သွားသည်။ အရင်တုန်းက သူ့ကိစ္စများကို သူတစ်ယောက်တည်း စီမံခန့်ခွဲခဲ့ခြင်း ဖြစ်သည်။ ဒါပင်မယ့်လည်း အခုတော့ သူနေမကောင်းဖြစ်နေသည့်အချိန်တွင် လုပ်သင့်သည်များအား သူ့အစား တစ်စုံတစ်ယောက်က လုပ်ပေးသွားခဲ့သည်။ ထိုအခါ အိပ်ရာပေါ်တွင် လုပ်စရာမရှိဘဲ သူအနားယူနေရုံသာ ရှိတော့သည်။
သူဗိုက်က နာကျင်မှုမှာ သက်သာလာပြီ ဖြစ်သည်။ အချိန်အကြာကြီး အိပ်ပျော်သွားခဲ့ခြင်းကြောင့် သူအိပ်ချင်စိတ်လည်း မရှိပေ။ ပြတင်းပေါက်အား မိနစ်၂၀လောက် ငေးပြီးသည့်အခါ ပိုင်ယုအား သူ့ရုံးမှဖိုင်တချို့သွားယူခိုင်းသည်။ အိပ်ရာပေါ်တွင် ထိုင်နေရသည်က ပျင်းဖို့ကောင်းသောကြောင့် သူကြည့်စရာလိုသည့်ကိစ္စများအား အာရုံစိုက်နေခြင်းက သူ့အတွက် ပိုကောင်းလှသည်။
YOU ARE READING
If the Deep Sea forgets you (Myanmar Translation)
Mystery / ThrillerAuthor(s) : Su Fuling Title : If the deep sea forgets you Credit to all အတိတ်မေ့နေကာ အားကိုးရာမဲ့ဖြစ်နေသည့် ကောင်မလေးတစ်ယောက်ကို နာမည်ကြီးရှေ့နေကြီးတစ်ယောက်က ကယ်တင်မိရာကစပြီးတော့ . . . ရှေ့နေကြီးမှာ အကိုတစ်ယောက်အနေဖြင့် ထိုကောင်မလေးကို အိမ်ပေါ်ခေါ်တ...