لا تستفزي رجولتي كي لا ابعثر انوثتك

بارت 12

امين هبط على لكاس فدقة ورجع عمرو تاني:عندي جوج دخوت ختي مزوجة عايشة فكنادا ولواليد ولواليدة ماعايشينش معايا عايشين فكندا تاهوما بغاو يبقاو قراب ليها
طاهرة:ااه الله يخليهم ليك
بقاو ساكتين
امين:عاوديلي عليك لحد الان ماعارف عليك والو كنعرف غير ختك ليلى باباك شكا يدير وماماك تاهي عندك خوتك اخرين وكي درتي خدمتي فلوطيل المهيم كلشي
طاهرة بقات كتشوف فيه حطات لكاس من يديها :امم ماما وبابا الله يرحمهم
وسكتات شحال وولا كملات:بابا مات فكسيدة فاش كان عندي 11 لعام وختي ليلى 8سنين بقينا مع ماما لي مسكينة وحلات ماعرفات مادير تزوجات براجل كان كيحساب ليها غيسترها ويجمع بناتها ويعاونها على الزمان ساعة صدق شكل اخور غير وصل لداكشي لي بغة وكتبات ليه داك لخربة لي شتي بسميتو تقلب ولا يضربها ويضربنا تاحنا معاها كيجي كل ليلة سكران لدار وكل ليلة ماما الله يرحمها كتاكل قتلة على والو من بعد خرجات تخدم فديور مرا دلميناج بقينا هكا لفلوس لي صوراتها كيخدها ليها كان خاص ضروري تخبي عليه نص وتعطيه نص واخة هكاك تقاتلات باش قراتنا وكانت كتحاول ماينقصنا والو الله يرحمها داز الوقت مرضات بسرطان وكي كتعرف ناس لي مافحالهومش بحالنا ماكيقدوش على المصاريف ديال هاد المرض ودواياتو لغاليين
وسكتات فاش حسات بدموعها غينزلو دغيى زربات عليهم مسحاتهم :المهيم شرات دوى لي قدرات عليه وتاباقي كان غالي ماشراتوش وراجلها كان كيزيد يكمل بالسب والمعيور ويهددها غيرمينا فالزنقة تفقصات وزادت مرضات ودوى ماكامل حتى كنفيق واحد نهار بغيت نتطمن عليها ساعة ماتحركانش زعزعتها او والو حيت كانت ميتة وحيت فليل ماشرباتش دوى وباتت بالجوع هادي هي صدمة دحياتي نهار ماتت ماما وخلات لي ليلى تحملت مسؤوليتها وخرجت خدمت وفنفس الوقت كنقرا باش ندير شي حاجة فحياتي وكان خاص ضاروري لفلوس باش نقدر نسكت راجل ماما ومايجريش علينا من دار المهيم قريت الفندقة وبفضل واحد الاستادة دخلت لمدراسة خاصة حيت بقيت فيها وهي نيت لي عوناتني وهضرات مع سعاد باش تخدمني فلوطيل

وبتاسمات باش تخفي داك الحزن لي فعنيها وتحاول ماتبكيش
امين بقى يشوف فيها كان كيسمع ليها وحاس بيها شحال تعدبات واخة هي مزال صغيرة على هدشي كبرات فعنيه حيت ما ستسلماتش وتقاتلت مع الزمان وماخرجاتش لطريق وختارت طريق لخاطئ بحال كي كيديرو بزاف دلبنات وفوق هدشي كتبتاسم ليه فوجهو واخة باين لحزن فعنيها
مالقا مايقول من غير انهو جرها لعندو وعنقها هي كانت محتاجة لهاد الحضن حسات بيه حس بيها وحس بدكشي لي كتعانيه خشات راسها فصدرو وعنقاتو تاهي وبالسيف عليها نزلو دموعها حتى شهقات اول مرة من مور موت ماماها شي واحد ايعنقها ويواسيها كانت ديما هي لي كتعنق ليلى وتصبرها وتواسيها وتحن عليها حيت عارفة داكشي باش كتحس
امين زاد جرها لعندو وهو كيمسح غلى شعرها:ششش ماتبكيش كلشي غيولي مزيان تقي بيا
طاهرة غير ساكتة وكتبكي
بقاو شحال هكا حتى كتهز راسها وتشوف فيه:سمحلي عفاك صدعتك بمشاكيلي
بغات ترجع اللور وهو يشد راسها بين يديه ويبوسها فجبهتها:بلعكس حياتك كتهمني وخاص نعرف كلشي عليك
طاهرة حسات براحة معاه خوات قلبها وبكات رتاحت بزاف بتاسمات ليه امين بعد شعرها لي كان على وجها وبدا يمسح ليها دموعها بيديه وهو كيدقق فملاميحها لي ولاو حومر بلبكى وفعويناتها لي كيشوفو فيه بقى شحال كيتأملها بحاليلا اول مرة ايشوفها وبلا مايحس بدا يقرب لشفايفها مابقاش كيقد يتحكم فراسو
طاهرة غير شافتو كيقرب رجعات الاور وناضت:سي امين خاص نمشي تعطلت
شاف فالساعة كانت ل1ونص دليل
وقف :غنوصلك
هزات راسها بواخة ودخلو لداخل هزات ساكها وهو هز سوارت طموبيل :مشينا
طاهرة:يلا
سبقاتو وهو كان موراها حتى كتوقف ودور لجيهتو وبديك الصورة كدخل فيه حتى كانت اطيح كوما شدهاش كان مدور يده على خسرها وجهو اونفاص مع وجها بقات كترمش بعنيها وهو بلع ريقو وقفها على رجليها وهو مزال شادها
وكيشوفو فبعضهم
هو ماقدش يصبر خشا يديه وسط شعرها وجرها لعندو وطار على شفايفها كيبوسها بشفف كيبرد داك اللهفة لي كان كيحس بيها كيجر شفايفها بسنانو ويمص حتى كيقصحها كان فاق الشعور وهي كتحاول تبعد حتى دفعاتو وهي كتلهت خنقها
امين كان حاط رايو على راسها وكيشوف فعنيها مزال باغي يكمل
طاهرة لحد لان شفايفها كيضروها ولكن ماتنكرش عجباتها حسات بيه باغيها
بقات شحال كتشوف فيه وهو كيشوف فيها وهاد لمرة هي لي قربات ليه دورات يديها على عنقو وجراتو لعندها بقات كتأمل فوجهو حتى حطات شفايفها على شفايغو وكتبوسو غير بشوية عكس كي باسها هو ..امين ستحلا البوسة تجاوب معاها بنفس طريقتها ويديه كتلعب فشعرها وكيزيد يجرها لعندو بحاليلا باغي يخشيها لداخل وليد لوخرى هبطها للمأخرة ديالها وبدا كيحرك يديه عليها غي بشوية
هي غي حسات بيديه على التريمة رجعات اللور خافت هدشي يتطور لماكتر:سي امين يلاه نمشيو
بتاسم وهو فرحان حس باحساس زوين وهو كيبوسها عمرو حسو مع شي وحدا اخرة
طاهرة تفكرات فاش ضارت كانت نسات طليفونها
مشات كتجري هزاتو ووقفات كتقاد فشعرها وكسوتها وهو غير كيضحك باين عليها التورت مابغاش يزيد يحرجها:يلاه نمشيو
خرجات بالزربة ركبو فطوموليل طريق كاملة وهوما ساكتين تاكيوصلو لحدا دار شافت فيه وبتاسمات:شكرا وتصبح على خير
يلاه بغات تنزل وهو يشد يديها وطلعها لفمو وباسها:احسن ليلة فحياتي ..