لا تستفزي رجولتي كي لا ابعثر انوثتك

بارت 17

ليلى:انا غندخل ندوش ودير فبالك اني مامرتاحاش لهادشي

وهزات فوطة ودخلات لحمام هو ضرب يديه مع لحيط وخرج مشا نيشان لبيتها حل لباب بالجهد تا قفزات من بلاصتها جمع معاها بقصلة وزادها التانية وشدها من شعرها وزير:غتجمعي بكاجك وتقودي من لهنا ..ولا والله حتى ندفنك هنا فبلاصتك ومايجيب ليك حد لخبار

نورة تقصحات شعرها ايتقطع فيديه وحناكها كيوزوزو بالصقل:رخي مني قصحتيني

عماد زاد برك:داكشي لي فبالك عمرو غيوقع انا كنبغي ليلى سمعتيني واخة ديري لي درتي عمري نبغيك.اصلا عمرك توصلي ليلى المووسخة

نورة:وايلا عرفات داكشي لي وقع بيناتنا

عماد زاد تعصب ستافزاتو هز يديه تا لسما وبقا يضرب فيها فكرة ان ليلى تخلا عليه كتخليه يتسطى ويفقد الشعور .ضربها تا ساال الدم من فمها ولسقها مع لحيط وهو مزير على عنقها:جربي وديريها داك ساع تشوفي راسك تحت الارض مدفونة ونتي حية

نورة كتهز راسها باه وهي كتبكي:خلي غير غدا فصباح ونمشي والله ماتشوف وجهي حداك

زدحها مع لحيط:غدا فصباح مانشوفش كمارتك هناا

وخرج وزدح لباب

جلسات فوق النموسية وهي كتمسح فمها بالدم:هنا غنوريك واخة اسي عماد يا اما تكون ليا يا اما ماتكون لتا وحدة فينا

نمشيو عند أميين

دخل لدار لقاها جالسة فالصالة كتفرج وعنيها دامعين باينة متأترة مع لفيلم بتاسم ومشا جلس حداها :تيتانيك عوتاني

جنات :ماكنملش منو كيعجبني بزاف

بتاسم ليها

جنات هي كتمسح دموعها:بغاو بعضهم فيوماين قصة زوينة..واخة نهاية حزينة..واكتر شي عجبني انها حقيقية

امين كيشوف فيها:تانتي دابة تعيشي شي قصة حب تكون نهايتها سعيدة مع شي واحد يستاهل

شافت فيه زادو عنيها دمعو هضرتها جرحاتها فلاعماق كيفاش واحد اخور كو غا بقة ساكت وماهضرش

امين مسح ليها دموعها وناض من حداها

جنات جرات لخدية عندها وبدات كتبكي فصمت ماحاسش بالنار لي فلداخل ديالها رجعات بمخلتها اللور

كانت كاتبكي وهي ملوية عليها ليزار وكتشوف فالدم دشرافها قدامها شافت فيه:حرااام عليييك

طفا لكارو وشعرو كينقط بلما يلاه خارج من الدوش جلس حداها:انا غنتزوج بيك

تنترات منووو وهي كتغوت:مابغييييتكش كنكرهك بعد مني

شدها من شعرها:حيت كتبغيه هو يااك

غوتات ليه فوجهو:ااااه كنبغيييه كنبغي امين