لا تستفزي رجولتي كي لا ابعثر انوثتك

بارت 22

ناصر تنهد عمر كاس وجلس حداها :انشوف

رنيا علات راسها وشافت فيه كان قريب ليها بزاف طولات شوفۃ فيه..خنزر فيها بمعنۃ واش انبقاو هنا .حنات راسها وبدات كتوريه فتصاميم المجوهرات..قبل تدفعهم يصنعوهم..

نمشيو عند طاهرۃ

كانت نازلۃ.فالدروج هي وطاهرۃ الام

طاهرۃ:صافي هي.هديك

طاهرۃ الام بتاسمات:غزاالۃ تبارك.الله

طاهرۃ بتاسمات وهي.كتسلم عليها:يلاه هنا مشيت

طاهرۃ الام:بسلامۃ ابنتي

وقفات حدا لمرايۃ لي حدا.لباب كتشوف فراسها كي جات ..كانت لابسۃ.كسيوۃ.بيضۃ طويلۃ لاسقۃ.عليها سميطات وسامبل..ومن لفوق لابسۃ.كاب فلباج..مع مكياج خفيف.جات كيووت بتاسمات وهي كتشوف.كريشتها باينۃ.خرجات لقات شيفور كيتسنۃ ولخدامۃ كتحط ساك فيه داكشي لي غتحتاج فلكوفر..حل.ليها لباب وركبات ..دور ساروت وديمارا طوموبيل وخرجو من الفلۃ وشدو.طريق للحبس ..كانت حاطۃ يديها علی كرشها وعنيها علی الطريق وكتفكر ..داز الوقت حتی كتحس بالطموبيل مشات وجات تخلعات قلبها كان غيوقف.شافت شيفور نزل بالزربۃ .شافتو تعطل حلات باب طوموبيل ونزلات وهي كترجف.قربات.لعندو تشوف شكون.هدا لي دخلات فيه طموبيل ..قربات كتر حتی كتشهق:غيييتۃ

شيفور شاف فطاهرۃ:كتعرفيها

طاهرۃ ماجاوباتوش طارت عليها وعنقاتها نزلو.دموعها بلا.ماتحس..غيتۃ بادلاتها العناق..بقاو.بجوج.كيبكيو بلا.مايقولو.والو اصلا فاهمين بعضهم وعارفين بعضهم فاش كيفكرو..شيفور غير واقف ومافاهم والو

غيتۃ بعدات عليها ودموع فعنيها:فيين غبرتي.قلبت عليكم.تا سخفت.تا فلحبس مالقيتكش.كنت غنتسطۃ

ورجعات عنقاتها:كنت غنحماق اطاهرۃ

طاهرۃ كتبكي تاهي:غير فدنيا ودهاويها

غيتۃ بعدات فاش حسات بكرشها تصدمات شافت فطاهرۃ:حاملۃ

طاهرۃ.بتاسمات:اه.قولي لي بعدۃ ماوقع ليك والو

غيتۃ وعنيها علی كرشها:انا.بخير ماقاستنيش طموبيل..خليك مني وقوليلي.كيفاش وعلاش..وفين كنتي غابرۃ..ليلی فين هي عاوديلي الله يخليك

طاهرۃ تنهدات:انا قصتي طويلۃ بزاف لا جيت نعاود ليك.ما.غانسكتش.المهيم انا لاباس وليلی تاهي لاباس راه تزوجات وحاملۃ دابۃ

غيتۃ تنهدات بصوت.مرتافع :الحمد الله ياربي عرفتي ضميري شحال كيعدبني قلبت عليها تا عييت خفت تكون وقعات ليها شي.حاجۃ

طاهرۃ بتاسمات:ماتخافيش كلشي هو هداك

شيفور:احم لالۃ.الطاهرۃ راه تعطلنا

طاهرۃ شافت فيه:واخۃ

وشافت فغيتۃ:فين غادۃ

غيتۃ:غنمشي لدار