لا تستفزي رجولتي كي لا ابعثر انوثتك

بارت 2

البوليسي:كيقلبو عليها وعلى دوك لبنات..احم من لاحس تديها من لهنا حيت كاينين شي بوليس كيجيو يسهرو هناايا

ناصر:اي معلومة جديدة علمني بيها تحرك من قدام وجهي وجهي

لبوليسي مشا كيطير

ناصر حل باب لمجلس ودخل لقاها جالسة على أعصابها غير شافتو مشات عندو:جاو مورايا ياك..غيديوني..صافي غنرجع الحبس

وبدات كتبكي:مابغيتش نرجع ليه .مابغيييتش😢

بقا كيشوف فيها شحال كتولي زوينة فاش كتبكي

طاهرة:غنكمل حياتي تماك ..صافي مشيت فيها

ناصر حط صبعو على شفايفها:ششش ماغتمشي فين..راه قلت ليك حطيتك فراسي .تا لحبس ماغايعتقكش مني

حيدات ليه صبعو:كيفاش

ناصر:احم..غتمشي من ل هنا ..سيري وجدي راسك باش نمشيو

طاهرة:كيفاش

ناصر:واش ماكتسمعيش

طاهرة هزات راسها باه ومشات..دخلات لبيت لقات هند وسوسو

سوسو :ناري كان غيقتلني بشوفاتو

طاهرة جلسات فوق الكرسي:جا واحد لبوليسي وشافني وعرفني حيت هو لي كان مع لكوميسير لي تكلف بقضيتي

شهقز بجوج:اويلي

طاهرة:ولكن جا ناصر وهضر معاه ماعرفتش شنو قال ليه..من بعد جا وقالي انمشيو من لهنا

هند:مهما دخل ناصر ماعندك مناش تخافي

روبي دخلات وفيديها لكارو:صافي أتمشي

طاهرة:فين انمشي ماعارفاش

روبي:هضرت انا وناصر..غيديك معاه لدارو تماك حسن ليك..

طاهرة:اويلي شغا ندير انا فدارو ..لا غي خليوني هنا

روبي:نوضي راه كيتسنا..نزيدك واحد لحاجة..ماحدك معاه تا لبوليس مايقدروش يقربو ليك..معاه عمرك تولي ترجعي لحبس..فكري فهادي تاهي😉

هند وسوسو تلاحو عليها كيعنقوها:أنتوحشوك

عنقاتهم تاهي ..واخة مدة قصيرو ولكن دارو بلاصة فقلبها ضريفين بزاف :تاناا بزااف

هند مشات جابت ورقة ستيلو:هادي نمرتي لا لقيتي شي فرة عيطي

روبي:عطيها تانمرتي

قيدات ليها نوامر:هاكي

طاهرة خداتهم

روبي :واسيري باش ماتعطليش

طاهرة:اصلا ماعندي تاشي حاجة هنايا كنت كنلبس غي مع لبنات

هند:ديالنا هوما دياولك تسناي

مشات جمعات ليها شي حوايج فواحد الشانطة:سير ناصر ماغايخليكش بلاش😉

طاهرة:فكرتوني