لا تستفزي رجولتي كي لا ابعثر انوثتك

بارت 15

روبي كلمة راجلك كتركب فيها الجنون

كمال:هنا كنتسنا علي جمع حوايجو قبيلة ودرناهم فطوموبيل بقيتي غير نتي نتسناوك ماشي مشكل 😉

تنهدات بصوت مرتافع وهي كتحلف فيه فخاطرها دخلات لبيتها جبدات شوانطها زدحاتهم فوق النموسية وبدات دفش فيهم لحوايج بعشوائية وهي معصبة كتغلي:والله لا دوزتها ليك غير صبر ازامل لاخور

عيطات بالجهد:عليييييي

جا لعندها:شنو

روبي:جر معاك هاد الشانطة

علي:كتعيطيلي غا فلخطيات

جر الشانطو وخرج..وروبي شدات لباب موراه ومشات نيشان لواحد اللوحة كبيرة معلقة فلحيط بعداتها شوية على لحيط وتأكدات من لكوفر لي موراها باقي مشدود ..رجعات اللوحة لبلاصتها وجرات شانطة وخرجات خنزرات فيه

خرجو وشدو لباب بساروت تا شانطة ماهزهاش عليها خلاها واحلة فيها هبطو لتحت :انا غنمشي فطوموبيلتي

حطات شانطة فلكوفر وركبات ..علي جا وركب قدامها:كوغا بقيتي معاه لاش جاي

علي:نخاف عليك فهاد الليل

دورات ساروت وكسيرات طريق كاملة وهي كتفكر تا وقفات حدا دارو نزلات لقاتو كيتسنة

كمال:ماعندي مايتسالك باقة عاقلة على دار

روبي فهمات قصدو زعمة نهار فاش جات هي وناصر وختاطفو طاهرة :تا حاجة ماكاتنسة

كمال:داكشي بقاي عاقلة باش نفكرك واحد نهار

روبي:ايوا نشوفو

علي:أنبقاو واقفين هنا ولا شنو

كمال حل لباب ودخلو..

علي:زوينة عندك دار

كمال:بيتك لفوق

علي:كتجري عليا زعمة

كمال:لا غير لابغيتي ترتاح

علي:اه اه نعتلي فين

كمال بتاسم:اطلع لفوق على يديك دليمن اول شومبر

علي هز شانطتو:واخة

طلع نيشان للبيت لي قال دخل شعل الضو عجبو لبيت تسارا فيه مزيان بدل عليه وطفا الضو وتخشا فبلاصتو ونعس

لتحت

روبي:وانا فين بيتي

كمال:اجي معايا نوريه ليك

طلع وتبعاتو تا وصلو لبيتو كانت لخدامة خارجة من بعد ما دخلات شوانط..دخلو

كمال:هدا هو بيتك

روبي:صافي..خرج وشد موراك لباب

شافت فيه لقاتو حيد تيشيرط بقا بصدرو عريان:شكا دير