لا تستفزي رجولتي كي لا ابعثر انوثتك

بارت 6

لارا حطات يديها على ودنيها وغوتاات وناضت واقفة ضارت لجيهتو ورجعات غوتات وهي كتشوفو طايح فالارض ودم مغطيه.ماحساتش براسها تا مشات كتجري عندو تلاحت عليه وعنقاتو وهي كتبكيي وتغوت وتزع زع فييه باش ينوض حسات بيديه كتحرك على دراعها هزات راسها وشافت فيه وعقلها خارج بلبكة :ياااسين شووف فيا عفاك ماتمووتش الله يخليييك

ياسين كان كيلتاقط انفاسو الاخيرة هز يديه لي كلها دم وحطها على وجها وبتاسم بالسيف عليه نزلات دمعة حارة من عنيه همس بصوت مخنووق :كنبغيكم..بنتي..اك..رام..لا..را

وهز صبعو لفوق وردد شهادة وهو كيشهق بقة كينازع والدم خارج من فمو حتى ترخة وروحو خرجات ...لارا بقات كضرب ليه على وجهوو:يااسين نووض.ياسين جاوبنيي...

جاكمال كيجري تحنة لعندو قاس ليه النبض وتنهد صافي مات شاف فلارا كي كتغوت ربي لي خلقهاا وتحاول تفيقوو..تجمعو عليه لبوليس كيحاولو يبعدو لارا علييه او والو مابغاتش متشبتة بيه وماباغاش ترخي منو

على برة

ناصر كان جالس على أعصابو شاف فالساعة:هناا جاي.طاهرة شداتو:فين غادي

تنتر منها ودخل كيجري للمطار ...بقة غادي وهو كيشوف فدنيا كيف مقلووبة..وشي بوليس كيدابزو..كان رئيس الشرطة كيغوت على شرطي الامريكي عقلو خارج معاه..وهو كيشوف فيه ببرودة داكشي لي كانو باغيين وقع قتلوه وتهناو

ناصر قلب وجهو وشاف بزاف دلبوليس مجمعين وصوت دلغوات..شاف لحاجة طايحة صخفانة ووحدة من الموضفات ديال المطار كتحاول تفيقها..شاف بنيتة صغيرة واقفة وكتبكي ماعارفاش فين تمشي قلبوو ضرو فهاد اللحضة .خصوصا فاش سمع صوت لغوااات...دخل وسط المجموعة وهو يتصدم من المنضر صاحبو طايح وكلو دمايات ولارا شادة ليه فيديه وكتغوت..منضر خايب بزااف

لارا شافت فكمال وبدات كضرب فيه وتغوت:قلتييي ماغايوقع ليييه والو قلتيلي ماغايقتلوووهش..عمري انسمح لييييكم كنكرهكم كااملين ..كنكرهكم..بغيييت رااجلي..ياااسين فيييق ماتخلينييش..

كمال رجع اللور علا راسو وشاف فناصر ..لي باينة على عنيه الصدمة عنييه حوومر جمرة

جابو لبياص باش يهزوه .ولكن لارا مامخلياهمش ..غير كيبغيو يقيصوه كتبعدهم. ناصر قرب لعندها شدها من دراعها:لارا

شافت فيه بعينيها الدامعين:ناااصر..شتي شنو دارو فرااجلي..رزاونيي فيه قتلووه يتموولي قلبي وقلب بنتيي

جرها لعندو وعنقها وهي كتبكي ..كمال دار ليهم اشارة باش يهزو..داروه فلبياص وخشاوه فبلاستيك كحل دلاموات وشدو عليه وهزوه وخرجوه ركبووه فلومبيلونص.قدام عنين احمد ولباقية كانو مصدومين ..دخلو كيجريو لداخل شافو لارا كتبكيي وناصر شادها..

احمد مشا كيجري عند بنتو غير شافتو تلاحت عليه عنقاتو..وهي كتبكي..ناصر خرج بالزربة قبل تحرك الاومبيلونص ..يلاه ايشدو لباب وهو يحبسهم