لا تستفزي رجولتي كي لا ابعثر انوثتك

بارت 3

شافت مع جنابها بدا لحال يضلام ...مايمكنش ترجع لدار فين تقتل محجوب ولداك لحومة لي دابة ايتفرعنو عليها وماغيخليوهاش فراحتها
سمعات مساج جا فطليفونها دغيى حلاتو حساب ليها عماد تنهدات فاش لقاتو من غيتة كاتبة فيه:ماتمشي لتاشي بلاصة طلعي لسطاااح هنا غنطلع عندك
ماعندها تاشي حل من غير تطلع لسطاح

عند طاهرة

وصلو وقفو حدا باب الدار وكي لعادة لحومة تقلبات ووقعات الجوقة
نزل الكوميسير وحل باب لفاركونيط وشاف فيها كانت كتبكي وباينة ماراضياش تنزل والحومة كتفرج شافت فيه وفهم شوفاتها خاايبة بزاف تنزلي وسط حومتك لي باغين غي يتشغاو فيك ونتي مينطة وحالتك حالة ولبوليس دايرين بيك .. تنهد وضار كيشوف فالجوقة وغوت:تحركوو تقودو خويو عليا الجوقة
وجاو البوليس كيبعدو ناس ويدفعو فيهم
الكوميسير:نلقااا شي زامل واقف هنا ندييه يتبرد لتحت ناس شدو شراجم ولي كان واقف كيتفرج مشة بحالو خايفين على راسهم
الكوميسير رجع حل باب لفاركونيط:نزلي
شافت فيه ونزلات مالقات تاشي حد تاشراجم تشدو شافت فيه:شكرا
الكوميسير:زيدي قدامي ما غنبقاوش هنا
جرها من دراعها وطلعو لفوق هي غي دخلات لبيت وشافت فالارض الدم والجتة مرسومة بالطباشير فلبلاصة فين مات قلبها تهز من بلاصتو
الكوميسير حس بيها عارف ان هادشي صعيب عليها...جا المصور ولكاتب لعام فيديه لبيسي
الكوميسير:شوفي انبداو دابة باش نمشيو من لهنا صافي
هزات راسها باه وهو بالخبرة ديالو قدر يخليها دير اعادة تمتيل الجريمة والمصور كيصور سلاو ومشاو رجعوها للكوميسارية باش يتأكدو من لباصمات ويطابقو اقوالها مع تمتيل لجريمة ويعمرو ليها ضوسي ويدفعوه للمحكة ..مع القانون الجديد ايهبطوها من مور 48 ساعة للمحكة من موراها نيشان للحبس..من تماك اتبدا تحاكم تا يصدر الحكم نهائي من عند القاضي

دخلوها للسجن لي فلكوميسارية كان خاوي من غير شي وحدات بتهمة الدعارة كانو سكرانات وناعسين ضاربين الدنية بركلة.

جلسات فواحد لكوان وجمعات رجليها عندها تنهدات مزال ماعارفة شكا يتسناها وبالها مع ختهااا لي بقات بوحدها رتاحت نسبيا فاش تفكرات راها مع غيتة ...كانت عيانة بزاف غمضات عنيها ونعسات وهي جالسة

نمشيو عند غيتة

غيتة ناضت بلهلا يكازيه ليها صبنات شي حوايج باش ظير سبة انها اطلع تنشرهم فصطاح
غيتة:هنا طالعة نشر هدشي
مها:نشرييهم فلاكور لاش صطح فهاد ليل
غيتة:لاكور ماكيوصلوش ريح وشمس بعيدة وانا باغا ضرب فيهم شمس
مها:سيري ونتي كتعجبك تمارة
خطيبها:نطلع معاك
غيتة خنزرات فيه:لا انطلع بوحدي..شتك طولتي ماغتمشيش بحالك لحال مشى
مها:كووني تحشمي
خطيبها:خليها اخالتي هدشي كامل غير محيت ماخليتهاش تبقى مع ديك لقتالة
غيتة خنزرات فيه وحلات لباب باش تطلع لسطح تلاقات خوها
خوها:نشير فهاد الليل
غيتة:ونت مالك
طلعات وخلاتو مخنزر فيها حاضيها
ليلى كانت جالسة فلارض وعنيها فلقمر ونجوم لي فسما كانت كتحسبهم باش تلف الوقت حتى كتشوف غيتة حداها ناضت وعنقاتها وهوما كيبكيو بجوج
غيتة:سمحيلي عفااك
ليلى كتبكي:عارفة راسي ماعندي زهر الله يصوب
غيتة:دابة نشوف شنو ندير ماتخافيش ماغنسمحش فيييك
ليلى كتهز راسها بااه
غيتة جرات السلة كانت دايرة وسط لحوايج طاسات دلماكلة وواحد اللحاف باش تغطا
غيتة:كوولي
ليلى كانت غتموت بالجووع بقات كتاكل تا كملات كلشي علات راسها شافت غيتة كتشوف فيها وهي كتبكي ليلى كتمسح فمها ويديها:ولات حالتنا كتشفي لعداا ياكي ولينا كنقطعو فلقلب
غيتة عنقاتها:كلشي دابة يتحل ربي كبييييير
ناضت ودخلات لواحد لبيت عندهم فالسطاح خاص بلمرا لي كتسيق الدروج كدير فيه اللوازم ديالها وعاد لي عندو شي حاجة مابقاتش صالحة كيحطها تماك..قدات بلاصة تماك وحطات واحد لبونجات كانو تماك وخرجات عندها
غيتة:صبري هاد الليلة نعسي لداخل راه قاديت ليك بلاصة غدا نشوف شغا ندير
ليلى:ماشي مشكل نعس فين ما كان عيانة بزاف
ناضت ودخلات لداخل تكات فوق لبونجات
غيتة بقات شحال معاها من بعد هبطات
ليلى هزات طليفونها دوزات نمرتووو كان طافي تنهدات ودخلات لتصااور نزلو دموعها وهي كتشوف تصاورها هي وياه توحشااتو واخة هكاك مانساتش داكشي لي دوزات معاه عنقات طلييفون وهي كتحااول تكتم شهقااتها مامصدقاش بانه خدا حاجتو وسمح فيها بقات هكا تا داتها عنيها