لا تستفزي رجولتي كي لا ابعثر انوثتك

بارت 25

طاهرة:كنتي ناعسة
ليلى كتكسل:ااه
طاهرة:نتي لاباس
ليلى:حمد الله توحشتك
طاهرة:تانا مابقاش بزاف غدا نرجع
ليلى:ان شاء الله
طاهرة:يلاه نخليك دابة رجعي نعسي
ليلى:واخة بسلامة
طاهرة ناضت وطلعات لبيت دوشات ولبسات عليها وتخشات تنعس شوية

عند ليلى شافت فالساعة 6لارب مابقى والو ويجي موراها شيفور حيت لمبارة اتبدا مع 6ونص دخلات لحمام دوشات ووجدات راسها ولبسات وقادات وهبطات لتحت كتسنى شيفور شوية وهي تسمع لحاريس كيقول شيفور جا ناضت وخرجات حلات لباب لوراني
ليلى:نت شكا دير هنا
علي:غنحدر للمبارة ركبي ركبي
ركبات:فين ما مشيت كنلقاك
علي:لا بغيتي...شتك خرجو رجليك شواري وليتي تجلسي معاه فدار
ليلى:ونت سووقك اش دخلك كااع
علي:ههه غا ضاحك مالك صعرتي
شيفور حرك وبقاو ساكتين حتى كيشوفوه وقف
ليلى:مالك وقفتي
شيفور وهو كيحاول يدور ساروت:طوموبيل وقفات ماعرفتش علاش
ليلى:ويلي ماشي وقتو
شافت فالساعة 6 وتولوووت :شوف شغا دير لوقت كيمشي
نزل وحلها وبدا كيحاول يشوف مالها
علي:ناري شهاد الزهر منحوووسة نتي
ليلى:موووك انا لا ماسكتيش نلوحك من هاد ااشرجم
داز الوقت وطوموبيل مزال واقفة
ليلى وعلي نزلو:شنو مزال راه مشى لحال
شيفور:انيسة ماعرفتش مالها
ليلى شافت فالساعة 6 وسبع قسام:ايكونوو بداو وحنا هنايا ...زيد اعلي نشدو طاكسي
شيفور:ولكن...
قاطعاتو:نت قابل غا طوموبيلتك
مشات كتجري هي وعلي يقلبو على طاكسي بالسيف باش لقاوها وركبو ومشاو نيشان لمكان لمبارة

عند عماد قربو يساليو لجولة اللولا وهي مزال مابانت ..واخة كان مشغول مع ضربات لي كيوجها ليه لخصم ديالو وكيطاكي بيده بالو معاها ومرة مرة كيشوف فبلاصتها واش جات ...داز لوقت وكيعلنو على انتهاء لجولة لولا وكانت لصالح ديالو كي لعادة
دغيا جا المدرب ولمساعد.ديالو كيشربوه فلما وينشو عليه ويعطيوه نقط الضعف لخصم ديالو وكي خاص يتعامل معاه هو هدشي كلو عارفووو شاف فيه:علي وليلى فييين هوما
المضرب:راه باقي ماجاو عيطت لشيفور وقفات بيهم طموبيل وهوما قالك ايجيو فطاكسي ...نت ركز غا فلمبارة باش تأهل لنهائيات
عماد:وصيهم يخليوهم يدخلوو صافي
المدرب:واخة كون هاني
ورن الجراس كيعلو فيه بداية الجولة تانية ما قبل الاخيرة لي فيه ايتحدد ماصير لي غيتأهل لنيهائيات
ناض من بعد ما قادو ليه ليكووو فيديه وقف وهو كيشوف فالخصم ديالو فخطوات ديال رجليه ويده نفس لحركات كيعاودهم شاف انه كيخدم فالضرباتهدوو ليمنية عكسو هو ليسر وهدي ماشي اي ملاكم يقدر يكون كووشي ..شافو كيقرب باش يغفلو ويوجه ليه ضربة ساعة كان سرع منو خوة ليها وهبط راسو لتحت ومع الطلعة كيعطييه لكرشو تاكان ايطيح وبقا يضرب فيه تا دخل لحكم وبعدو عليه..عماد رجع اللور وهو كيشوف الخصم دااخ وكيحاول يسترجع انفاسو ودور وجهو يشوف واش جات وولا شاف فالمضرب دار ليه اشارة بعنيه زعمة واش جات..رد ليه بحركو لا مزال
بدا كيتعصب وكمل اللعب