لا تستفزي رجولتي كي لا ابعثر انوثتك

بارت 24

عماد:الحمد الله..نوضي نطلعو للبيت ترتاحي

ليلى:واخة

نزلات يلاه ادير الخطوة لولا وهي تلقاه هازها بتاسمات حطات راسها على صدرو وهو خرج بيها وناس كلهم كيشوفو فيهم طلعها للبيت وحطها فوق النموسية حيد ليها صباطها وغطاها وتكا حداها:رتاحي

هزات راسها باه وغمضات عنيها ونعسات

دازو ساعات

حلات عنيها بشوية على لمساتو على وجها شافت فيه وبتاسمات ..بتاسم ليها تاهو وصبعانو كيتحركو بشوية على وجها رتاح بزاف فاش سمع هضرتها انه مايمكنش تخونو تيقها حيت عارفها ماغاتكدبش كيفهم عنيها مزيان

طاهرة:مالك ياك ماكتفكر..

قاطعها:نساي عليك داكشي انا غنتكلف صافي

هزات راسها باه

ناصر:ماتبقاي تخبي عليا والو

طاهرة:واخة..ولكن طباخ

ناصر:طباخ كنعرفو مزيان مايقدش يغدر بيا ايكون غير ضحك عليك باش يخلعك

طاهرة بقات غير ساكتة زادت كرهاتو عرفات شحال انه حقير

ناصر قرب لعندها وطبع قبلة على شفايفها وشاف فيها:خاص تمشي دابة

ناضت جالسة هي كتشوف فالساعة 10ونص دليل تنهدات:غنولي نشوفك

ناصر بتاسم:فلكاميرا

بتاسمات:كندوي بصاح

ناصر ويديه على كرشها:مانقدش نولي نجيبك لهنا..نتي غتمشي لدار وغترتاحي وماتفكري فوالو

طاهرة قربات لعندو وعنقاتو :غنتوحشك

ناصر عنقها تاهو :نوضي وجدي راسك

ناضت بدلات عليها وجمعات حوايجها وقف حداها رجع عنقها طبع قبلة على عنقها:بلا مانوصيك صافي..تهلاي فولادي..

نزلو دموعها ماسخاتش بيه

ناصر كيمسح ليها دموعها:هاد الحمل اتر عليك بزاف..لاش لبكة

طاهرة:كنحس بليام كيدوزو تقال بزاف

طاهرة:كنحس بليام كيدوزو تقال بزاف

ناصر كيلعب ليها فشعرها :كلشي دابة يدوز صبري معايا كيف ما تا انا صابر

هزات راسها باه.

ناصر قرب وباسها من شفايفها وباسها من حنيكاتها هز يديداتها بجوج وباسهم:تهلاي فراسك

طاهرة قربات للعندو وعنقاتو تانت تهلا فراسك

بقات شحال معنقاه بعد عليها:دابة نعيط ليك

وحل لباب عيط لواحد من رجال يوصل معاها لطوموبيل

ناصر:بسلامة

بتاسمات وسط دموعها:بسلامة

وخرجات وهي ماساخياش حسات براسها بحاليلا غير كانت كتحلم ركبات فطوموبيل وهي كتبكي ماعرفاتش كي دارت تا وصلو لدار حل ليها باب طوموبيل نزلات ودخلات نيشان طلعات لبيتها دوشات وتخشات فبلاصتها وهي كتسترجع احدات ديال نهار كامل تا داتها عنيها