لا تستفزي رجولتي كي لا ابعثر انوثتك

بارت 2

كمال تنهد:صافي واخة

ناصر:انعطيك المعلومات لي اتحتاج

كمال:واخة

ناصر عطاه كلشي لي غيجتاجو:غدا مع 8 دلعشية اتوصل طيارتهم للمغرب

كمال:صافي واخة

ناصر:يلاه نخليوكم دابة

ملاك:بلاتي باقي لحال

طاهرة:خاص نمشيو بحرة ترتاحو ونرتاحو تا حنا

وصلو معاهم للباب سلمو عليهم ومشاو

كانو فطوموبيل ودراري موراهم كيتسمع صوت ضحكاتهم

ناصر كان مرة مرة كيطل عليهم من لمراية لي قدامو ويبتاسم

طاهرة شافت فيه:ناصر

شاف فيها:نعام

طاهرة:ماتبغيش يكون عندنا شي بي بي اخور

ناصر شد ليها فيديها وباسها:لي جات من عندك مرحبا

بتاسمات وحطات راسها على كتافو..مدة قصيرة ووصلو لدار نزل حل لباب لدراري نزلو كيجريو

يوسف مشا كيجري عند واحد من لحراس عندو عزيز بدا كيتعلق فيه ..تحنا لعندو وهزو وبدة كيلعب معاه

يوسف:عموو عطيني نسوف فردي عفاك

بقة كيضحك شاف فناصر:سي الزعيم فكني من ولدك من نهار شاف عندي لفردي مابقاش بغة يتفاك معايا

ناصر قرب لعندو :يوسف ملي تكبر نعطيك واحد صافي

يوسف غوبش:انا كبيير بغيتو دابة

ناصر :اجي لعندي

يوسف ترما عليه وهو غضبان

ناصر كان هازو بين يديه دخلو لدار وجلس هو وياه فوق الفطوي وجا بدر وامونة كيجريو جلسو حداه تاهوما

ناصر :هنا راجع

ناض طلع لبيت ورجع جلس حداهم..جبد واحد لبواطة دهبية حلها كان فيها فردي كلو مذهب(عقلتو عليه):هدا انعطيه ليوسف فاش يكبر ايولي ديالو

بدر :وأنا

ناصر:ياك نت قلتي بغيتي هاد لخاتم

بدر ضرب راسو بيديه بشوية:اااه نسييت صافي هو لفردي وانا لخاتم

يوسف:عفاك خليني نشدو غيير شوية عفاااك

ناصر مدو ليه..يوسف خداه وقادو فيديه بحال داكشي دلأفلام تبتو على خوه يوسف وبدا زعمة كيتيري فيه طبعا لفردي خاوي من رصاص.. يوسف بقة كيضحك عاجبو لحال وبدر كيجري..ويوسف تابعو..امونة مخشية فباباها وكضحك عليهم ..

طاهرة قربات وجلسات حداهم وهي مبتاسمة ..

امونة:واناا ماغاتعطيوني والو فاش نكبر