هزات راسها باه:انااا
علي:نتييي وشكون من غيرك البرهوشة ديالي
بقات كتنقز فبلاصتها كي شي هبيلة:انتزوجوو يااك اتولي دياليي
شدها من دراعها:غا بشوية فضحتينا
نور قربات لشفايفو:انا فرحانة بزاف.
علي بتاسم وباسها على شفايفها:مابقاش بزاف
جراتو لعندها كتر وباستو على شفايفو تجاوب معايا ويديه مور ضهرها كتحرك بوشية نزل يديه بشوية على فخادها ورجع اللور:شهادشي غلاضيتي اجنية
بتاسمات:ياك نت قلتيلي خاص نزيد فالوزن
بعد وهو كيطلعها ويهبطها لابسة شورط قصير فوق لفخاد وتيشيرط طالع على لكريشة
علي:وليتي قنبولة
نور كدور فبلاصتها:عجبتك بعدة
جرها لعندو:من ديما كتعجبيني
يلاه ايهضر وهو يصوني ليه طليفونو بتاسم وجاوب:عماااد
عماد:افين اصاحبي
علي:غير فدنيا
عماد:مبروك البطال
علي:الله يبارك فيك كنت بغيتك تحضر للمبارة
عماد:ماكانش عندي كي ندير راك عارف
علي:صافي المرة جاية اتحضر .كلشي جا معاه المضرب ديالو الا انا اواااه لحكرة هادي
عماد:هههه المهم لبراكة ديالي حضرات..حمرتيلي وجهي قدام لفرانساويين هههه
علي:ماتخمشش عطيتهم علاياش كيقلبو راني ترابي ديديك
عماد:هكا نبغيك دابة انوجدو للبطولة ان شاء الله مربوحة
علي:ان شاء الله ديالنا .
عماد:يلاه تانتشاوفو
علي:تهلا
وقطع
نور:حيد هاد ليكوون
علي:علاش
نور:بغيت نديرهم اناا
علي حيدهم وركبهم ليها:اجي نشوف واش باقة عاقلة.
نور:هههه عاقلة 😉
بدات كتحرك فرجليها يمين وشمال ومقادة يديها على شكل بوكس كي علمها
علي كيشوف فيها:ايااه هدشي مجهد
قربات لعندو وضرباتو على كتفو وهي كضحك..بدا كيضربها تاهو غير بشوية .كيلعبو بحال شي مبارة ونور كضحك فرحانة كتغوت فاش كيقصحها طبعا كتبوحط..بقاو كيلعبو حتى عياو وتلاحو فوق النموسية كيضحكو ..شوية شافو لباب تحلات كانت نرجس داخلة بخطوات تقال وكتشوف فيهم كضحك..ناض هزها ورجع تكا فوق النموسية حدا نور ..بقة كيلعب مع نرجس ويهرها وهي كضحك
نور جراتها لعندها:بعد لي من ختيي مسكينة اجي عندي اجي
نرجس تنترات منها ورجعات عند علي
علي كيضحك:ههههه بزداتلك السربيس
نور:ياااك انرجس شوفي شكون يبدا يعطيك لحلوة
علي:دابة جا خالها ايتهلا فيها يااك
نرجس كضحك ..عنقها وجر عندو نور وعنقها تاهي:بجوجكم بحال بحال غير نتي برهوشة كبيرة وهي مزالة صغيرة
نور حطات راسها على كتافو وهي مبتاسمة كتبغيه بزاف ..هو حب طفولة تحفر فقلبها من صغر..تا علي كيبغيها كبرات قدام عنيه عرفها اتولي ظيالو فاش اتكبر مواعد راسو غير هي لي ايدي
جا ليل
تجمعو كاملين عند ملاك وكمال باش يباركو لعلي حيت تأهل للبطولة..اول بطولة ليه ..كانو جالسين فالجردة كيشويو لكباب..ودراري كيلعبو قدامهم ..جو كان زوين
أنت تقرأ
لا تستفزي رجولتي كي لا ابعثر انوثتك
Romance#لبنااااات✋ 😘😘😘 هنا جيييت ..😆...واخة معطلة خخخ...ايميسيووووو😢😢😢😢😢 اليوم ان شاء الله انحط قصتي لي كنت وعدتكم بيها😊 امم شغا نقول ..قصتي هذي مختالفة بزاف على قصصي لي دازو حاولت نبدل اسلوبي لما حسن خخ المهيم تا تشوفو وحكمو وان شاء الله تعجبكم�...
