لا تستفزي رجولتي كي لا ابعثر انوثتك

بارت 32

ليلى :نت السباااااب والله وقعات ليها شي حاجة نقتلك بيديييي...حرام عليك

عماد:طاهرة غير صبري ونزلي كنواعد غنديك معايا ماغاتبقايش هناااا..نزلي عفاااك

امين حاضيها وحاضي رجليها مايمكنش يخليها تنتاحر..بقا كيقرب بالشوية

ودار اشارة لعماد باش يبقا كيهضر

عماد:غتمشي تعيشي معايا انا وليلى وغتنساي هدشي كامل

طاهرة كتشوف لتحت وهي كتبكي..:بغيت نرتااااح وصافي

بقات كترخي يديها بشوية حتى كتحس بشي حد.جرها لعندو بقات كتبكي وتغوت :رخيييييي منيييي بغييت نموووووت

امين بقا شادها تا تحنات عندها ليلى وعنقاتها بقو كيبكيو بجوج:صااافي اختي انديك من لهناااا

عماد شاف فناصر كي واقف ومصدوم قرب لعندو:غنديها معايا بلا ماتعكس..راك شتي حالتها كيف دايرة

ما قال تاشي كلمة

عماد تحنا لعندها:غنمشيو من لهنا صافي

هزات راسها باه

عوناتها ليلى باش توقف وقفات بصعوبة شافت فيه بعنيها الدامعين كتعاتبووو بعنيها ماحساتش براسها تا ترخات كانت عطيح وهو يشدها عماد كانت سخفانة هزها بين يديه..وناصر واقف ماتحركش غير كيشوف فيها عماد تم غادي بيها وليلى تابعاه هبطو لتحت وخرجو من دار ركبها اللور ركبات حداها ليلى وركب تاهو وكسيرا نيشان لدار..

لفوق

امين شاف فجنات لي كتبكي:زيدي نمشيو بحالنا

خرج هو وياها بقا غير ناصر واقف مصدووم ..بقا شحال واقف كيستوعب هدشي لي واقع جلس فوق النموسية كيشوف فبيتها كيتخايل انها عمرها غترجع..عمرو يولي يشوفها..ناض واقف مايمكنش ضاروري يرجعها غير يصبح الصباح يمشي يجيبها.

لارا بقات واقفة مصدومة منو ماعمرها تخايلات انه يقدر يدير هكا فبنت..ولات كتخاف منو غير شاف فيها حنات راسها خرجات مشات لبيتها وشدات عليها

عند طاهرة

وصلو لدار طلعوها نيشان لبيت حطها ووقف:نعيط لطبيبة ياك

ليلى شادة ليها فيديها:ماعرفتش.

عماد:كنعرف واحد طبيبة ماغاتقول والو

عيط ليها وهضر معاها باش تجي

وجلسو كيتسناو هبط لتحت كيتسناها حتى جات طلعها لبيت عندها جلسات حداها تصدمات من شكلها:الله ياربي شكون دار فيها هاد الحالة

عماد:دابة غير شوفي مالها

طبيبة:واخة خليوني معاها بوحدنا

خرجو وشدو لباب

بدات كتفحص فيها وتقيص نبضها..جبدات الماطريال دوات ليها الجرح ..المهيم فحصات ليها جسمها كامل تنهدات وهي كتشوف فيها ناضت وخرجات لعندهم