دخلات هي وراجلها وهي مبتاسمة لقاتهم مجمعين مشات عند خوها وسلمات عليه:خويا كي بقيتي.
كمال:الحمد الله مابقيناش كنشوفوك
رنية:غير مع دار ولولاد راك عارف تا لخدمة جلست منها
كمال:ايوا ماشي مشكل تفضلو تجلسو
سلمو على البقية
طاهرة:فين هوما وليداتك
رنية بتاسمات:خليتهم فدار مع حماتي يلاه جات هاد نهار حشومة نخليها بوحدها.بقاو معاها
طاهرة:ايوا مافيها باس
رانية:ليلى لاباس
ليلى:الحمد الله ونتي
رنية:بخير
وكملو هضرتهم
علي واقف هو وعماد متكلفين بالشوايا كياكلو النص ويحطو ليهم نص خخ..ويوسف وبدر وحمزة حاضينهم باغين يديرو بحالهم ولكن مامخلينهمش حيت باقين صغار
علي:يووسف بربي لافيك لعياقة واش باغي تحرق راسك
يوسف:عفاك غير شوية عطيني النش على لعافية
علي شاف فناصر:نااصر واش نعطيه
ناصر:غير عطيه
علي:لسقة جابهالي الله هاك شد
علي جاب ليه كرسي باش يوصل للشواية باش ينش..يوسف خداها وبدا كيدير بحالو كينش على لعافية باش تزند ..فرحان بهاد الانجاز لي دار
علي:وصافي براكة
يوسف :صافي
نزل ورجع كيلعب مع خوه وحمزة..داو ليهم لكباب لي تشوة وتجمعو كياكلو
علي وقف ولكاس دكوكة فيديه ضرب عليه بلفرشيطة بحال داكشي دلافلام:هدوء بغيت نقول شي حاجة ماحدكم مجموعين
كلشي شاف فيه
علي:مالكم على هاد شوفات خلعتوني
بقاو كيضحكو
علي:احم دابة ملي وليت قاد براسي عندي فلوسي ولمشروع ديالي واخة عاد فلبدايات ديالو ولكن ناجح الحمد الله..انشري داري وانستاقر بوحدي مستقبالي ولا مضمون .قررت
شاف فنور:اجي نتي لهنا كتفرجيي اجي عاونيني فالهضرة راني وحلت
ناضت ووقفات حداه شد ليها فيديها وباسها قدامهم:احم قررت نطلب يد نور من كمال وختي ملاك بغيت نتزوج بالبنت لي كنبغي واخة باقة صغيرة ولكن نربيها على يدي طبعا من دابة عام علامن نزيد نرسي اموري
نور غطير بالفرحة دمعو عنيها بالفرحة بقات غير كتشوف فيه
علي كيشوف فكمال:واجاوبني دغية راه لخلعة شاداني
بقاو كيضحكو عليه
كمال وقف وهو مبتاسم:ماعندي مانقول ماغانلقاش بحالك لبنتي ولكن غنسولها واخة راني عارف جوابها
شاف فنور:بنتي شنو بان ليك فهادشي
نور بالزربة:مواافقة ابابا مواافقة
كمال عنقهم بجوج بقا كلشي كيسفق ليهم فرحو ليهم بزاف
عماد:لي علياا ندير ليكم احسن عرس مغربي
ناصر:انا عليا شهر العسل
امين:انا انعطيكم لاوطيل ديرو فيه لعرس على دوقكم
طاهرة:والله تا ضلم هداا ..حنا مادرتو لينا لاعرس مقاد كي ناس لا شهر لعسال لا والو تعلمو من عليي الرومانسية
ناصر شاف فيها وبتاسم:صافي نعاودو زواج لا بغيتي
طاهرة بتاسمات:ااااه
ناصر قرب لعندها وتحنا على ركابيه شد ليها فيديها وباسها:واش تقبلي تزوجي بيا
طاهرة تزنكات ماحسابليهاش غيديرها شافت كلشي كيشوف فيهم وكيضحك
أنت تقرأ
لا تستفزي رجولتي كي لا ابعثر انوثتك
Romance#لبنااااات✋ 😘😘😘 هنا جيييت ..😆...واخة معطلة خخخ...ايميسيووووو😢😢😢😢😢 اليوم ان شاء الله انحط قصتي لي كنت وعدتكم بيها😊 امم شغا نقول ..قصتي هذي مختالفة بزاف على قصصي لي دازو حاولت نبدل اسلوبي لما حسن خخ المهيم تا تشوفو وحكمو وان شاء الله تعجبكم�...
