لا تستفزي رجولتي كي لا ابعثر انوثتك

بارت 5

دازو ساعات

كان داخل لدار من بعد ما جابو الشيفور..دور عنيه على دار ماشافهاش ..بقة غادي لشوية على ريوس صبعانو فاش شافها فلبالكون واقفة وصل لعندها وهرها من جنابها:بوووووم

روبي قفزات من بلاصتها:اااانم

وحطات يديها على قلبها:شهاد اللعب دلمرض

علي:غا ضحكنا معاك

روبي:هدا ماضحك ماوالو

علي:سكتي ونتي على سبة..كاين شي حاجة ناكلوها ولا والو بحال لغدا لماكلة من الزنقة

روبي :ياك ما باغيني نطيب ليك ولا شنو

علي وهو كيحيد الشكارة من على كتافو:ومالك

روبي:لا هدشي لي بقة

ودخلات لداخل وهو تابعها:انا كتعجبني لماكلة ددار باش ديريها فبالك

روبي:ايوا كون بقيتي مع عمك ومراتو طيب ليك

علي:الاا هنا غنبقة..ديري شي حل

روبي وقفات حدا لمراية كتقاد فتشاوك:ماتندمنيش جبتك لدار راه كيفما جيتي غنرجعك

علي:تي كوني تمركي .على حالة نتي فيها شعري طول من شعرك..صراحة نحشم نلبس لباسك هدا.

روبي :شوف لبرهوش.ماجبتكش لهنا باش تعطيني رأيك فيا.من الاحسن تشد فمك وتسكت

علي:غير بلاتي عليك

روبي قربات لعندو بحاليلا كتهددو:كتهددني ولا شنو

علي وهو راجع اللور:شوفي حالتك وبغاني نسكت راني خوك زعمة مانرضاش نشوفك فهاد لحالة

روبي بقات كتشوف فيه :حيد من قدامي

علي:فين غادة

روبي:انجيبلك ماتحنجر

حلات لباب وخرجات ..وهو دخل لبيت يبدل عليه حيت ايجي موراع عماد يمشيو لونطريما..

دازو دقايق وهي ترجع حلات لباب ودخلات:فينك البرهوش اجي تاكل

خرج عندها وهو كيرش لعطر وفيديه ساك دلونطريما.:عندك هاد لعطر فساااار

روبي غير شافتو شهقات :شهادشي

علي:مالك

قربات لعندو وهي كتشوفو لابس ليها تيشيرط ديالها وكيرش من عطرها وداير فوق راسو كاسكيط ديالها

روبي هي عاضة على سنانها:اتحرك داااابة تحيد حواايجي

علي:مالك عاايقة عجبوني لبستهم..اصلا هدو لباس الدراري اش جابهم ليك

شنقات عليه ولسقاتو مع لحيط:بريي وما تمشي تحيدهم نعلقك فهاد لمسمار لي فوقك

علي علا راسو كيشوف فلمسمار:وديريها زعمة