لا تستفزي رجولتي كي لا ابعثر انوثتك

بارت 45

تقلبات الكميرة لجيهة ناصر لي جالس بكامل اناقتو وداير رجل فوق رجل .وكيشوف فالموديع بشوفاتو الواتقين.دار بتسامة خفيفة على وجهو قبل يبدا يهضر شي لي زاد وسامتو قدام الكميرة:شكرا ..وطبعا تا انا سعيد باش نحضر لبرنامج هادف بحال هدا

المديع :شكرا شرف لينا..طبعا كي كتشوف عندك جمهور معجب بشخصيتك ومتبعين اخبارك وخة نت بعيد على شي حاجة دالفن .بغيت نزيد نقربك ليهم .بغيت نعرف شنو سر هاد النجاح وهاد الشخصية لقوية ولغامضة لي لفتات الانتباه.كي درتي تا وصلتي لهاد المراتب.واش كان ساهل عليك تولي رجل اعمال ناجح.وتبارك الله مالك لتروة هائلة .

ناصر بقا ساكت شحال راه ماشي ساهل:لا تا حاجة ماساهلة.ماشي غير جيت وليت هكا كي كتشوفني..ضاروري دوزت مراحيل فحياتي صعيبة.لدرجة عمري تصورت شي نهار انولي ناصر الزعيم لي كتشوفني عليه دابة ..ماكنوصلو لشي حاجة حتى كندوزو من مواقيف وطريق طويلة وصعيبة..لي تخليك تقصاح بالسيف عليك .خاص غير شوية دصبر.ودكاء..وتفكيرك يكون عندو هدف ترسم حياتك قدامك وتشوف فين باغي توصل عاد تبدا طريقك ..ماتخليش الافكار الغبية طيحك.خاص تكون قوة من نفسك ومتحكم فراسك لا بغيتي توصل.تا حاجة ما تأتر عليك.وغتوصل ان شاء الله

المديع:نتمنى الشبان الصاعدة يسمعو لكلامك ويطبقوه.كي كتشوف دابة.بزاف دلمراهيقين ختارو طريق خاطئة ومشاو عليها ودمرو حياتهم بيديهم شي لي خلاهم يفقدو الامل من الحياة ويجرو معاهم شبان اخرين باش يضيعو تاهم معاهم ماشي غير بوحدهم.عدد كبير منهم كتلقاهم ناعسين فزنقة متشردين .شنو بان ليك فهادشي

ناصر داز تاهو من مراحيل بحال هكا تاهو عاش فالزنقة وعارف شنو كاين وشحال خايبة تولي متشرد كيدور فززناقي ما لاقي ماتاكل:كل واحد وضروفو وكل واحد واسبابو ..كيجي شي وقت كتقول ان حياتك تدمرات مايمكنش تقاد ولخايبة كاع ايلا ستسلمتي لضروف وبقيتي غادي معاها وهي كتغرق فيك .بالعكس الضروف كتوعيك وكتفيقك من الغفلة .كتخليك تشوف شي حوايج لي كتزيد تقوي شخصيتك كتربي فيك الرجولة .تا حاجة ماخايبة لخايب هو الاستسلام ..ماتزيدش ضيع حياتك كتر.فكر بتفكير سليم وشوف منين جاي الخطئ وصلحو ..

المديع:تبارك الله عليك ..كي كنعرفو نت مقبل على زواج بالانسة لارا صاحبة ماركة قريب غتخرج فالاسواق..واش باقي ماحددتو موعد الزواج ديالكم

ناصر:قريب ان شاء الله

المديع: الله يكمل بلخير ان شاء الله

ناصر:امين شكرا

المديع:ندوزو لواحد الفقرة .هاد الفقرة خاصة بالجمهور ديالك والمشاهدين بما انه الحلقة مباشرة.غيطرحو عليك اسئلة ونت غتجاوب

ناصر:مرحبا

المديع:مشاهدينا الكرام اي سؤال فبالك غتسيفطو على هاد الرقم لي طالع دابة فالشاشة وهو غيوصل لينا