لا تستفزي رجولتي كي لا ابعثر انوثتك

بارت 3

ليلى حشمهت:غتزيد كلمة وحدة غنقطع

عماد:ههه تبتي لارض..اصلا مانقدش نشزف فوحدو خرا..مالقيت تاشي وحدة بحالك

ليلى:ادن كنتي كتقلب على شي وحدة بحالي

عماد:شنو دابة وليتي كاتغيري

ليلى:ماحدك راجلي نغير عليك

عماد:سعداتي بيك المشة

ليلى:ودابة قولي فوقات اتجي..وعاد هاد الزعيم ماناويش يخليني نشوف ختي ولا شنو

عماد تنهد:دابة ندوي معاه فكرتيني

ليلى:وارد عليا

عماد:صافي واخة..نخليك دابة

ليلى:بسلامة

وقطعات وناضت هبطات لتحت لقات غير حسنة جالسة

دخلات لكوزينة هزات تفاحة وخرجات طلسات فالصالة تكات فوق الفطوي وشعلات التلفازة..قلبات فلقناوات وهي تلقا فيلم مصري كوميدي ..سميتو جيم اوفر..ديال يسرى.ومي عز الدين(تفرجو ليه كيقتل بالضحك)

حسنة:لا هدشي لي بقة..تجبديلي هنايا كيشي زوفري

ليلى شافت فيها:معايا كدوي

حسنة:معاك..كاين شي حد من غيرك كندوي معاه بهاد الطريقة

ليلى:جاتك لحالة عوتاني..شوفي تفرجي فهاد لفيلم زوين كيهضر على واحد لبنت عندها واحد لعكوزة شيطانة.تفرجي وسكتي

حسنة:شنو زعمة كتحشي فيا لهضرة

ليلى وهي كتمضغ:لي فيه لفز كيقفز احماتش شش لفلم بدى

حسنة تنهدات وشافن فالتلفازة بدات كتفرج..شوية بدات كضحك

ليلى شافت فيها:عجبك لحال ياك جاتك على قلبك كتمرمد فعروستها

حسنة وهي كتمسح دموعها بالضحك:هههه غزة فيها ..كاينين شي عرايس يستاهلو..بحالك نتي.

كملو لفراجة شوية تقلبو لاحدات ولات لعروسة كتمرمد فحماتها..ليلى ناضت وتقادات فلجلية وربعات رجليها:دابة عاد بدات لفرااجة..تفرجي تفرجي..ههههه

حسنو بلغات ريقها وهي كتشوف لعروسة كيف كدير لحماتها..فرشخاتها..

حسنة طفات التلفازة مارضاتش:طفي عليا هاد لولي

ليلى رجعات شعلات تلفازة:هاء من صباح ونتي تفرجي كان عاجبك لحال..دابة كطفيها..

حسنة رجعات طفات التلفزة:راسي درني طلعي لبيت وتفرجي

ليلى رجعات شعلاتها:هنا غنتفرج

بقات وحدة كتشعلها ولوخرا كطفيها غير شافو مصطفى هابط..بجوج جلسو بحاليلا ماواقع والو من غير شوفاتهم لقرطاس لبعضهم

مصطفى:مالكم

ليلى:والو اعمي كنا كنتفرجو فواحد لفيلم انا وخالتي..واقلة مشا الضو