لا تستفزي رجولتي كي لا ابعثر انوثتك

بارت 15

نمشيو عند الطاهرة

كانت سوسو كتقاد ليها شعرها:صافي احبيبة راكي واجدة
طاهرة ناضت وتقابلات مع لمراية كتشوف راسها
وخرجات مشات نيشان للخشبة طلعات وبدات كتغني
روبي كانت جالسة بعيد عارفة لاساق ناصر لخبار غيحيح عليها .ولكن راه لخدمة هدي وكليان كيسول عليها ونص فيهم جاي على قبلها ..ولكن ماعارفاش لعاصفة لي داخلة دابة للكاباري

لاح سوارت للحاريس ودخل ماحدو كيقرب للقاعة لكبيرة دلكباري وهو كيزيد يسمع صوتها بلع ريقو بلاعصاب وقف بعيد وهو كيشوفها واقفة وكتغني شاف فالحضور رجال كيصفقو ويصفرو وغياكلوها بعنيهم شاف فيها وفلباسها..كسوة قصيرة حد لفخاد وبلا كمام وصدرها شوية ويخرج على برة..وشعرها مطلوق على راحتو .وكتغني وكتميل مع لاغنية..عايشة معاها..مستمتعة بلالحان..ولا كيغلي من لدااخل شاف فروبي جالسة وكتفرج بحاليلا مانبهاش باش ماتوليش تغني
دخل ومشا نيشان عند روبي ضرب يديه فوق الطبلة بالجهد حتى ناضت طافجة شاف فيها بعنيه لي ولاو حومر ومخنزر:شنووو قلت
روبي ناضت واقفة تلفات:راه لكليان كيسول.
قاطعها:زطمتي على هضرتي على حسااب زواااامل
روبي :لا..
ناصر ضار ومشا طاير طلع فوق الخشابة جرها من يديها ونزلها وهي كتنتر وتغوت وكلشي كيتفرج لحراس ماقدوش يفكوها حيت عارفين هو شكون رجعو لور وهوما براسهم خايفين .روبي غي واقفة وكتشوف
كان مزير على يديها وهي كتحالو تفك منوو..داز من وسط ناس وتم غادي بيها كيجرجرها تا دخلها لداك لجلسة لخاصة..شد لباب برجليه وجرها لعندو تا تضربات فصدرو هاد لمرة كانت كتشوف فعنيه وما نزلاتهمش باغة تفهم مالو معاها ولاش داير هادشي كلو معاها
ناصر قرب تا لوجها تا تخالطات انفاسهم :ياك قلت ليك شحال هذا انكي رخيسة
جمعات قوتها كلها ودفعاتو ولكن ماقدراتش تبعد يديه من يديها وبدات كتغوت وهي كضرب ليه فصدرو ولكن ضرباتها ماحركو فيه والو بحاليلا كضرب شي حيط:بعد مني..شنو بيني وبينك..مالك غي تابعني.عطيني بالتيسااع..اه اسيدي انا موسخة.وماكانسواش.عاجبني لحال هنا.باغة نولي قحبة.او من بعد.
هز يديه وعطاها لوجه تا ضار لجيهة لوخرا وشدها من شعرها وقربها لعندو وليد لوخرا طلعها لعنقها وزير:وأنا كيعجبني نزطم على لقحبات برجليا نلعب بيهم كيف بغيت ..من سوء حضك طحتي بين يديا..وكنقسم ليك..ووليتي رفعتي صوتك عليا لسانك نقطعو ليك
وشد يديها ولواها تاضارت تاهي ولات عطاه بالضهر جرها لعندة وحط راسو على عنقها وهو كيورك على يديها:ويديك بداي تجمعيهم عندك الموسخة
وزير على المسخة بطريقة مستفزة
وكمل هضرتو:ولا ندير فيك عاهة مستديمة
وغطس راسو وسط عنقها وطبع بوسة تا تا قفزات:من لاحسن تسمعي لهضرتي وماتعاندينيش حيت غتعدبي بزاف
ورخة منها ومشى جلس
هي شدات فيديها لي كضرها باغة تشوف فيه وتسبوو ولكن ماقدرااتش ماعندهاش ااجهد يولي يضربها طلعات يديها لعنقها وبدات تمسح لبلاصة فين باسها بلعاني باش يشوفها ويعرف انها ماباغاش يقيسها ..حبسات دموعها و
ضربات دورة باش تخرج وهو يوقفها :فين غادا
شافت فيه بعنيها الدامعين:نمشي بحالي
ناصر:ملي نبغيك تمشي غنقولها ليك
طاهرة شافت فيه :وانا ماباغاش نبقا معاك
وضارت باش تمشي..وهي تحس بشي حاجة تضربات فلحيط لي قدامها بالجهد كان كاس ضارت لعندو
ناصر:هاد لمرة فلحيط لمرة جاية فوجهك
بقات كتشوف فيه شوفات كون كانو قرطاس كون تيراو فيه
ناصر ببرودة:جيبيلي كاس وديري فيت التلج
بقات شحال واقفة تا قفزها صوتو:شنو نعاود لهضرة
مشات حلات تلاجة جبدات قرعة دلويسكي عمرات ليه كاس ودارت فيه التلج وقربات حطاتو حداه
وجلسات اون فاص معاه..هز لكاس وبدا يشرب وعنيه فعنيها..وتاهي ماناوياش تنزل عنيها كتلعب برجليها وكتشوف فيه ومعلية حاجبها..ناصر سها فعينيها وطريقة لي كتشوف بيها ..لونهم كيجبدوو عمرو شاف بحالهم
بلا مايحس نطق:عنييك
مافهماتوش:شنو
ناصر:عنييك
طاهرة كوكانت حداها لمراية تشوف فعينيها مالهم:مالهمم
ناصر حس على راسو:عنيه ماتبقايش تهزيهم فياا سمعتيني شوفي لتحت