لا تستفزي رجولتي كي لا ابعثر انوثتك

بارت 21

امين حط صبعو على شفايفها:داك الليلة دابزنا حيت ما خليتينيش نقيسك..غوتي وبكيتي باش مانقربش ليك..وهو..ستسلمتي ليه.وحملتي منو..شنو لفرق بيني وبينو..

طاهرة وهي كتبكي:نت ماعارف والو.ماعارفش داكشي لي داز عليا

امين بقا ساكت وكيشوف فيها حتى كيغوت فوجها تا قفزات:علااااش اطاهرة ..علاش خليتيه يقيسك...

طاهرة بقات غير كتشوف فيه

امين كيدي ويجيب فيها وهو مزير على دراعها حسات بلحريق فكرشها :امييين قصحتيني رخي مني

امين فاقد الشعور:نتي صدقتي وحدة موسخة ..راه غيمل منك ويلوحك بحالك بحال غيييرك

طاهرة ما قدراتش تستحمل هضرتو هزات يديها وجمعات معاه بصقلة وغوتات ليه فوجهو:شكوون نت لي تقول عليا مووسخة..خرج من حياتي وبعد مني ..خرج عليا من لبيت..كنكرهك..كنكرهكم كاااملين..خررررررج...خررررج

امين شدها من كتافها:سمحيلي عفاك..ماقصدتش..

بقات كتنتر منو:رخي مني ماتقيسنيش

امين كيبوس ليها يديها ؛ماغانتخلاش عليك..يلاه نمشيو من لهنا نساو كلشي

كان كيهضر كيشي هبيل ودموع محجرين فعنيه:كنبغييك..يلاه معايا..

طاهرة كتبكي وكدفعو عليها:امين خرج علياااا..مابغيتش نشوفك..

امين كيرجع يشد فيها:غاتمشي معايا سمعتيني ماغانخليكش تبقاي هنا مزال

جرها ووقف:زيدي غنمشيو

طاهرة ماقادراش تمشا بغات تفك يديها من يديه ولكن كان مزير عليها وكيجر فيها:رخيييي مني مابغيتش نمشي معاك..ااااي

ضربها الضو فكرشها وغوتات:بعععد مني ماغانمشيش معاك

امين شاف فيها لقاها ملوية على كرشها كتبكي تحنا لعندها:صافي هنا غنهزك

طاهرة دفعاتو:لا ماتهزنيش غير بعد مني

امين:ولكن انا كنبغيك

طاهرة بصوت باكي:وانا ماكانبغيكش فهم هدشي خرج عليا

امين تعصب جرها من يديها تا غوتات:غتمشي بالسيف

عليك

تم جارها وهي كتغوت

كان طالع فالدروج بغا يدوز يطل عليها عاد يمشي لبيتو..محدو كيقرب لبيتها وهو كيسمع لغوات..زرب فخطواتو تا حل لباب دخل وهو يشوفها كتبكي وامين جارها بالسيف عليها تعصب ولا كيفلي من لداخل..ماحسش براسو تا دفعو وبدا يضرب فيه..طاهرة كانت جالسة فلارض وكتبكي وشادة فكرشها ماقادراش تحرك..جنات خرجات من لبيت كتجري ودخلات لبيت طاهرة شهقات وغوتات:بعد منو

طاهرة وهي كتبكي:صاافي رخي منووو

جنات مشات كتجري شدات فيد.ناصر وهي كترغبو:عفااك ماضربوش..شوف حالتو كيف دايرة.راه سكران