لا تستفزي رجولتي كي لا ابعثر انوثتك

بارت 16

عند جنات

كانت جالسة فالجردة وفيديها صندوق صغير ديالها جامعة فيه دكرياتها...كانت كتشوف تصاورو لي جمعات بتخبية عليه..كانت كدخل لبيتو وكل مرة كتهز ليه شي حاجة وديرها فصندوق..ومرة مرة كتحل لالبوم دتصاورو كتسرق ليه تصويرة وتديها..بتاسمات وهي كتمسح دمعة نازلة من عنيها هزات واحد سنسلة ديالو بقات كتشوف فيها علات عنيها وهي تشوف امين جاية رجعات السنسلة وشدات الصندوق وخباتو بين رجليها أمين جلس حداها وشاف فيها حانية راسها بتاسم اول مرة يشوف شي وحدة كتحشم لهاد الدراجة:جنات هاكي هادي
ومد ليها كارط بونكيغ:فيها صداق ديالك لي كان عطاك بدر باقي كيف ما هو وزدت عليه شي مبلغ باش ملي تحتاجي شي حاجة ماتحشميش
شافت فيه بعويناتها لكوحل كي ليل :مامحتاجاش لفلوس..يكفي مجلسيني معاكم
أمين:ماتقوليش هكا نتي راك بحال ختي ..من الواجب ديالي نأمن ليك احتياجاتك
وحط لكاغط بونكيغ حداها:يلاه هنا مشيت
وناض ومشى هزات راسها كتشوف فيه مع دمعة نازلة من عنيها شافت فداك كاغط بونكيغ هزاتها وخشاتها فصندوقة وناضت طلعات لبيتها

عند طاهرة

كانت قنطانة بلجلاس موالفة غهاد الوقت كتكون كدير تدريبات مع لفرقة الموسيقية شافت فالساعة 6لارب تنهدات حتى لبنات ماكاينشنش ناضت دوشات باش تفاجة شوية..حلات لماريو دلبنات لخاص لكساوي دلخدمة بقات كتقلب بيديها حتى كطيح فكسوة كحلة سامبل بلكمام وطويلة لاسقة على لجسم وفجناب فتحة طويلة حتى لجيهة دلفخااد عجباتها جبداتها ولبساتها طلقات شعرها ونشفاتو بسوشوار وخلاتو مطلوق على راحتو..جلسات اونفاص حدى لمراية خدات لماسكارا طلعات شفارها مزيان وهزات عكار حمر قداتو فشفايفها ماعجبهاش بزاف هزات كلينيكس ونقسات منو خلاتو بارد ...بتاسمات كانت باغة غير دوز لوقت ناضت شافت واحد صندالة عالية لبساتها وبقات كدور فبلاصتها غادة جاية شافت فساعة 7 لوقت كيطير
حتى كدخل عندها سوسو:بسم الله ماشاء الله قمر قمر ونبي قمر
طاهرة كضحك:هههه حلفي ياشيخة
سوسو وهي كتلوي لمسكة ففمها وتعوج فمشيتها:يااامة رحميني نار ناار
طاهرة:ههههه ششش
سوسو:ياك ما زعيم طالبك تغني ليه على انفراد😉
طاهرة:دكرنا الله ونبي رسول الله..اش جابو لهضرة
سوسو:تي غا وجدي راسك مهما دارك فبالو اتبقاي تشوفيه بزاف..ما غيتهنا حتى😉
طاهرة:كيفاش
سوسو:حتى يطرطق لبوشونة ههه كيعجبوه لبنات لي مزال مشدودين والله لا زكلك
طاهرة:ايوا لا لحق ودنيه يعضها..انا يلالة متقووبة يجي يحيدها لي من فمي
سوسو شهقات:اويلي واش بصااح العفريت
طاهرة:لا ولكن هو خاص يفهم هكاا😉
سوسو:ااه بغيتي ديري ليه داخ دوخ ههه
طاهرة:اااه...كيقولي قحبة هنا غنوريه تقحبين ديال بصااح
سوسو:نخاف يصدق قاتلك ماعندوش مع الراس قاصح
طاهرة:هههه يجرب هاد المرة
سوسو:ايوا الله يستر
طاهرة:قنطت وتوحشت ختي وروبي قالتلي ماشي وقتو
سوسو:ايوا صبري راه عاد هربتي اصاحبتي
شوية وهي دخل هند:هاي هاي على الزاز
طاهرة:قنطت
هند:زيدي خرجي جلسي حدانا براا دنيا شاخدة
طاهرة وقفات:وازيدي
هند:اصبار نقاد لعكار
تسناوها قداتو وخرجو جلسو على برة كانت الرقاصة كتشطح الشرقي ودنيا مقلوبة شطيح وحيحة
هند كتصفر وتغني وسوسو كتشطح كتحاول تقلد راقصة..طاهرة غتموت بالضحك ..شكل دسوسو كيضحك تصورو راجل كيشطح الشرقي خخخخ