لا تستفزي رجولتي كي لا ابعثر انوثتك

بارت 15

وماخلاهاش بقا جارها تا عنقها وخشاها فصدرو مادارت تاشي حركة خلاتو معنقها كانت حاطة راسها فوق صدرو لعريان وكتسمع دقات قلبو .كيضرب بالجهد علات راسها وشافت فيه مافاهمة والو ..بقاو شحال كيشوفو فبعضهم..ماحسوش براسهم تا تلاسقو شفايفهم ..كان كيبوسها بشوية وبحنان وبدون شعور تجاوبات معاه دخلو فقبلة حنينة وهادئة تحت لما بجوج ترخاو وصوت انفاسهم لحارة بوحدهاولي كتسمع مع صوت لما لي نازل عليهم دورها ولسقها مع لحيط وهو كيبوس فيها فعنقها وجها وينزل تا لصدرها وهي مستسلمة ليه من غير يديها لي كتحرك على ضهرو بقاو كيتنفسو بصوت مسموع ..طاهرة حسات على راسها وهي تحبس بعداتو عليها شوية وشافت فيه وهي كتلهت:راك مريض..اجي معايا

جراتو تا خرجو من لحمام وهو غير مسايرها جلساتو فوق النموسية ومشات حلات لمجورة كتقلب على شي دوة يهبط ليه صخانة..لقاتو عمرات كاس دلما وفتحاتت ليه حبة دارتهاليه ففمو وعطاتو كاس دلما هبط عليه فدقة هزات فوطة وبدات كتنشف ليه فشعرو وصدرو وهو كيشوف فيها:خاص تبدل شورط لي لابس راه فازك

جرها من يديها وتكا وخشاها وسط صدرو بلا تا كلمة بقاو شحال هكا حتى كينطق وهو كيرجف:لبرد

عرفات جاتو صخانة لباردة ناضت وجابت لحاف صخون وتغطات هي وياه كتحس بيه كيتهز من بلاصتو بردان

ناصر:عنقيني

بقات كتشوف فيه وشوية بشوية قربات وعنقاتو وهو خشا

راسو فصدرها ودور يديه على خسرها وجرها لعندو كتر..حسات بيه بحال شي وليد صغيور بقات كتلعب ليه فشعرو ..بقاو شحال تانعسو بجوج..داز لوقت وضرباتها لفيقة حطات يديها على راسو لقاتو طايب حيدات عليه لحاف وناضت جابت كمادات مع بانيو دلما وبقات كتحطهم ليه على راسو كل شوية كتبدلهم...بقات هكا ليل كامل تاحسات بحالتو ستاقرات عياات بزاف ونعاس غلبها حطات راسها على لخدية ونعسات حداه

بقات كتشوف فيه وشوية بشوية قربات وعنقاتو وهو خشا

راسو فصدرها ودور يديه على خسرها وجرها لعندو كتر..حسات بيه بحال شي وليد صغيور بقات كتلعب ليه فشعرو ..بقاو شحال تانعسو بجوج..داز لوقت وضرباتها لفيقة حطات يديها على راسو لقاتو طايب حيدات عليه لحاف وناضت جابت كمادات مع بانيو دلما وبقات كتحطهم ليه على راسو كل شوية كتبدلهم...بقات هكا ليل كامل تاحسات بحالتو ستاقرات عياات بزاف ونعاس غلبها حطات راسها على لخدية ونعسات حداه

صبح الصباح وشرقات الشميسة

حل عنيه بشوية ورجع غمضهم حس بشي يد فوق صدرو رجع حل عنيه ودور وجهو لجيهتها لقاها ناعسة حداه مافهم والو اش جابها لبيتو ولفراشو تكا على جنبو هو كيشوف فيها شوية بشوية بدا الصورة توضاح فالمخيلة ديالو..ولقطات من احدات لبارح كيدوزو قدام عنيه حط يديه على وجها وبعد شعرها لي مغطي ملاميحها وبدا كيحرك يديه بشوية فووق وجها ماحساتش بحركاتو ومافاقتش بيه عرفها عيانة ومانعسات تا صبح لحال نزل يديه على كتافها ..يديها ..تا هبط لخسرها..كانت غير بسوتيان كوحل صدرها بارز بطريقة متيرة ..تفكر اللحضة لي كانو قراب فيها لبعضهم فلحمام ..طلع يديه وحطها على شفايفها بدا كيحرك صبعو بشوية وهو كيتأمل وجها..كانت ناعسة بهدوء غارقة فاحلامها..جمع يديه عندو وهو كينفض هاد الافكار من دماغو ناض وهو كيحس براسو كيضرو دخل نيشان للحمام دوش وخرج دخل لبيت تبدال لبس عليه خرج للبالكون شعل كارو وبدا يكميه وهو كيشوف لبعيد كيفكر فتصرفها..ماعقلش بالضبط شنو كان كيقول..ولكن عارف راسو جبد قدامها مو رما لكارو فلارض وزطم عليه برجليه هدشي لي ماكانش باغي خرج من لبالكو شاف فيها مزال ناعسة قرب باش يفيقها وهو يتراجع خرج من لبيت وهبط لتحت شرب قهوتو مزال كيحس بلعيا ولكن ماشي وقتو ناض وخرج مشا لشاريكة