لا تستفزي رجولتي كي لا ابعثر انوثتك

بارت 51

طاهرة بقات غير كتبكي ..رخة منها مشى ركب حداها وكسيرا بالجهد شد.طريق نيشان لدار غيرجعو بحالهم..كان كيسمع صوت شهقاتها وبكاها.كيقطع فالقلب شاف فيها ووقف الطموبيل فالجنب:علاش هدشي كامل.علاش كديري فيا هكا.علاش كتكرهيني تا لهاد الدراجة واخة حاولت نحيد هاد الكره من قلبك..

طاهرة بصوت باكي:ماعرفتيش علاش..هاا..ماعرفتيش.

قربات لعندو وهي كتبكي وتغوت فوجهو بصوت مرتافع وهي كضرب على كتافو::ماعرفتييش علااش.. كتسولنيي.؟؟؟.نسيتي شنو درتي فيااا قتلتيني الف مرة بدم بارد..ضيعتيني وكرهتيني فحياااتي ..سرقتي مني حياتي ..وحطمتيها بين يديك..عاد كتسولنييي.علاش كنكرهك.

وسكتان وهي كتبكي بحرقة:عمري ننسى داكشي لي درتي فيا .نفضل نموت ومانتزوجش بيك ..قتلني وهنيني.باش نرتاحو بزوج

وشافت فيه ودموع مغطيين وجها كتهضر بصوت متألم:كنحاول نسى ولكن ماكنقدرش.كنحاول نخرج صورتك ونت كتغتاصبني من دماغي ولكن ماكانقدش..نت أديتني بزاف .وعمري غنسمح ليك

ناصر كان غير كيشوف فيها وهو ساكت ماكرهش كون يقدر يمحي لكره من قلبها وداكشي كامل لي دار فيها ..ولكن لواقع كتكرهو ..تفكر فاش رفضاتو مزال ما بردات ليه

ديمارا الطموبيل و بلا تاشي كلمة من غير صوت بكاها..تفكر النهار شحال داز زوين .ودابة تقلب.حس براسو غيطرطق لغبنة كتاكل فيه من لداخل علاش رفضاتو وهو كان ناوي يعوضها على كلشي تنهد بصوت مرتافع..داز الوققت وهوما يحبسو حدا الدار شاف فيها لقاها ناعسة ودموع فعنيها نزل وحل لباب وهزها بين يديه حلات لخدامة لباب دخل نيشان طلع لبيت حطها فوق النموسية بقة كيشوف فيها هي ناعسة.تنهد بحيرة ومشا بدل عليه وتكا حداها بقةكيشوف فيها تا داتو عنيه ونعس تاهو

دازت هاد الليلة وجا نهار جديد

فاقت لقات راسها فلبيت تنهدات عوتاني رجعات ليه حسات بالدوخة والردة دخلات بالزربة ردات وغسلات وجها وخرجات شافت فالساعة ل1ونص دنهار نعسات هدشي كامل.بدلات عليها وهبطات لتحت كتحس بالجوع شافتو جالس فالصالة ولارا حداه فرحانة وطاهرة الام جالسة اونفاص معاهم

طاهرو وهي مبتاسمة:صباح لخير ماما

طاهرة الام:صباح النور ابنتي.فقتي معطلة هاد النهار

طاهرة كتحاول تفادة نضرات ناصر ليها:كنت عيانة شوية

لارا وهي كتشوف فيها وكتلعب بالخاتم لي فيديها:ماقلتيليش مبروك

طاهرة شافت فيها وفلخاتم لي فيديها تصدمات هو نفسو لي عطاها لبارح بلعات ريقها

لارا:صافي حددنا النهار لي انتزوجو فيه.واخيرا

طاهرة الدنيا ضارت بيها فهاد اللحضة وهي كتشوفو مدور يديه على خسرها ولخاتم فيديها..شافت فيه لقانو مبتاسم وكيشوف فلارا لي غطير بالفرحة