لا تستفزي رجولتي كي لا ابعثر انوثتك

بارت 25

الخدامة:راه فاليخت مع لالة الطاهرة

لارا شعلات فيها العافية:كيفاش

الخدامة:فاش جا فصباح مشى هو وياها يديرو دورة وسط لبحر

لارا عضات على سنانها:بوووفغيديووو

الخدامة مافهماتش:كيفاش

لارا:تحركي من قدامي جيبيلي كاس دلما بارد..وسمعي داك بوفغيديووو ماتبقايش تقولي ليها لالة هاديك غا مسخة سمعتيني

الخدامة هزات راسها باه ومشات تجيب ليها تشرب

لارا بقات غادة جاية فداك الصالة ماكرهاتش دير جناوح وطير عندهم تشوفهم شكا يديرو:ياااك اناصر غير جيتي خرجتيها..ماجيتيش تشوفني تا انا لي خطيبتك..

شوية شافت لباب كتحل علات عنيها وهي تشوفو داخل ضارت بجسمها كلو لجيهتها..ماعرفاتش شكون ولكن وجهو مألوف ..بقات غير كتشوف فطريقة لبسو لابس بدعية وبلغة فرجليه وتسابيح فيديه...

ياسين غير شافها حنى راسو الارض خصوصا طريقة لبسها ..كانت لابسة سروال طالع تا لكرش..مع ديباردور كحل عريان مصدر نصو كيبان مغطي بغيووط مخالفين.وكرشها كتبان...وطالقة شعرها لزعر مايل لبيوضة على كتافها..داز من حداها بلا تاشي كلمة ماعجبهاش لحال علاش ماعبرهاش

لارا:هيي..شكون نت بسلامة داخل بلا تا شي كلمة

ياسين ستغفر الله فدماغو

لارا قربات لعندو تا وقفات اونفاص معاه:معاك داوية..شكون نت وشكا دير هنا

ياسين ماعجباتوش طاريقتها دلهضرة كيهضر وعنيه فالارض:ماكاندويش مع لبنات أ الاخت.

لارا ماعجبهاش الحال:وهادي لي قدامك ماشي اي وحدة راه انا هي مولات الدار..خطيبت ناصر

ياسين علا عينو شاف فيها ورجع نزلهم :سمحيلي اختي ماعرفتكش ولكن الطريقة لي دويتي بيها ما شي هي هديك

لارا ربعات يديها:لا اجي علمني الاداب نت حسن

على برا

نزلات من طموبيل ولكارو فيديها كتنتر منو نتيرات لحاريس سبقها وحل ليها لباب ودخلات وهي كتسوط الدخان...ياسين ولارا بجوج شافو فيها..روبي غير شافتو رمات لكارو موراها وزطمات عليه برجليها ..وهي كتقاد فجيلي لي لابسة..كانت مطلعة شعرها لفوق تشاوك كي شي دري..ولابسة تيشيرط فلغوز بارد وفوق منو جيلي تجينس وسروال تجينس مفض فض مع صبادغين بيضة ويديها كلها تواشي وسناسل ديال دراري.

روبي:احم ياسين

ياسين طلعها وهبطها :لا حول ولا قوة الا بالله هاد ناصر معامن معشرلي شهاد الحالة دايرين فراسكم

كيقولها هو كيطلع ويهبط فلارا وروبي

لارا خنزرات فيه:ماعجبناكش مسكييين..شوف حالتك نت داير لي فيها لفيقه حمية دجامع