لا تستفزي رجولتي كي لا ابعثر انوثتك

بارت 38

طاهرة بعدات عليهم شوية مالقات ماتقول..اصلا ماعندها ماتقول هاد العائلة الصغيرة عندها عزاز متأكدة غتكون فرحانة معاهم .والحب كيجي مع الوقت خاص قلبها يداوة بعدة..

مشاو جلسو فالصالة.طاهرة :نوض نحط لعشا ياك

كمال:اتكوني عيانة خاص تديها فصحتك شوية

طاهرة وقفات:ماكانديرش شي حاجة صعيبة

وناضت دخلات لكوزينة كتسخن فلعشا وتوجد فالطباسل وهي كتفكر..فلحضة جا فبالها ناصر.حسات باحساس فشكل.ماعجبهاش لحال وهي تنفض راسها منو خاص تنساه.هو خسرها ماشي هي لي خسراتو.تفكرات شنو دار فيها اخر مرة ضربها بلا رحمة بحاليلا هي ماشي انسان ماكتحسش.ماعارفش انها انثى حساسة بزاف وداكشي بزاف عليها..داك نهار كرهاتو بزاف..شافت فصبعها وفلخاتم لي لحد الان ما بغاش يحيد ..شوية بدات كتشم الريحة دلحريق مشات كتجري لقات لماكلة تحرقات طفات عليها وهي كتسوط بصوت مرتافع.لماكلة نشفات ولسقات مابقاتش صالحة..

طاهرة:منحوس فكلشي ..ها لماكلة تحرقات بسبايو .اش داني نفكر فيه انا كااع

وبلا ماتحس نزلو دموعها:كنكرهووو يلاه..كنكرهوو

وبقات كتبكي..كمال دخل عندها لكوزينة ولقاها كتبكي قرب لعندها:مالكي

طاهرة كتهضر بعفوية ودموعها نازلين:شوف لماكلة تحرقات دابة شغا نتعشاو ونور خاصها تنعس غدا لقراية

كمال بتاسم :صافي هادشي لي بكاك..وهاهو تاتحرق شغا يوقع والو

عمر ليها كاس دلما ومدو ليها:شربي وسيري تجلسي انا غنعيط ليهم يجيبونا بيتزا صافي

شربات لما فدقة ملي سمعات بيتزا:عفاك وتكون ديال الطون

كمال بقا كيضحك:واخة وشنو بغيتي اخور

طاهرة:المهيم بيتزا.اه ايس كريم.تاهو

جرها من يديها خرجو لصالة جلسو حدا نور:واخة هي لولا .تا حنا كتعجبنا بستزا طون

طاهرة بتاسمات

نور:اوووووه غناكلو بيتزا

كمال دوز نمرة ديال بيتزريا ووصا على داكشي لي بغاو وجلسو كيتسناو وهوما كيتفرجو فلفيلم..طاهرة كل شوية كتشوف فالساعة وتنهد بصوت مرتافع:مالهم تعطلو

كمال:غير صبري

شوية سمعو صوت الجرس دلباب

ناض يحل وطاهرة تابعاه خدا منهم الطلبية وخلصهم ودخل ..طاهرة خدات من عندو لكراطن دبيتزا حطاتهم فوق الطبلة وحلاتهم وبدات كتكل وهي متلدذة بيها .كمال كياكل وكيشوف فيها وهو مبتاسم عارف لوحم هو لي داير فيها هاد الحالة ..نور كتاكل وكتشوف فيهم بجوج فرحانة بزاف

طاهرة سلات بيتزا ديالها ولكن باقي ماشبعات..بقات كتشوف فبيتزا دكمال ودنور وترمش فعويناتها وتبلع فريقها