لا تستفزي رجولتي كي لا ابعثر انوثتك

بارت 4

جلس وهو كيشوف فمنى :اجي

ناضت ومشات و جلسات حداه..

ناصر شاف فيها ماعارفش شغا يقولها ولا كيف يتصرف كتافة بتلاتة د لكلمات:غناخد ليك حقك

حطات راسها على كتافو وهي كتبكي هضرات بصوت باكي:ماتخلينيش عفاك ماقادراش نستحمل الله يخليك ماتمشيش وتخليني ديني معاك عفاك اناصر

ناصر تنهد وحط يديه على كتافها:ششش ماتخافيش انا معاك

بقاو ساكتين شحال حتى نطق:منى

هزات راسها وشافت فيه:نعام

ناصر:بغيتك تعاونيني صافي

هزات راسها باه

ناصر:رشاد ماعرفناش فين كيمشي..يلاه عرفنها كيجي للعندك وصافي..هو كيعرف واحد الشخص خطير انا باغي نوصل ليه.من بعد غنتحاسب معاه على كلشي

هزات راسها بواخة:شنو ندير

ناصر:بغيت طليفونو

منى:ولكن هو ايعيق

ناصر:شنو هو نوع طليفونو

منى كتفكر:ايفون 8 بلس

دخل الانترنت بقا كيخنتش ووراها طليفون:بحال هدا

منى:اه هو

ناصر:فوقاش كيجي عندك

منى:غدا غيجي

ناصر:مزيان ادن.غدا غنصيفط ليك واحد بحال طليفونو بدليه معاه ..انا غنشوف كي ندير باش ناخد طليفونو غنديه غنقاد فيه شي حوايج ونولي نرجعو ليك داك ساع صافي

هزات راسها باه

ناصر:لا عيط ليك قوليلو ناصر جا لعندي.حيت ضاروري غتوصلو لخبار

منى:واخة انقولو انا لي عيطت ليك باش نشوفك جيتي ومشيتي بحال ديما ستحقرتيني

ناصر وقف ومد ليها نمرتو:واخة تا هدا نضار.. هادي لا وقعات شي حاجة عيطيلي انا غنمشي دابة

شدات ليه فيديه:ناصر ماغاتسمحش فيا

ناصر وراها لخاتم دزواج لي فيديه:منى انا دابة مزوج وعندي تلاتة دلولاد..

منى نزلو دموعها:وانا

ناصر بقة كيشوف فيها:نتي عيشي حياتك

منى:مانقدرش

ناصر:جربي.انا ماغانسمحش فيك غنعاونك وغنوقف معاك ولكن شي حاجة اخرا غير حيديها من بالك.انا كنبغي مراتي

منى كتحس بقلبها كيتقطع من كلمة مراتي وكي كيعتارف بحبو ليها قدامها بتاسمات وسط دموعها:اتكون شي وحدة مختالفة على كاع لبنات لي عرفتي باش خلاتك تبغيها وتزوج بيها وتجيب منها وليدات

ناصر تفكر طاهرة فهاد اللحضة:بحال داكشي المهم كنبغيها..يلا انا مشيت

وحل لباب وخرج ركب فطوموبيلتو وكسيرا ومشا