لا تستفزي رجولتي كي لا ابعثر انوثتك

بارت 20

طاهرة:لا باش هو نيت يقولنا شكون لموسخة انا ولا نتي رخي مني

لارا بقات كتغوت:لا ماغانخليييكش ديريها الكدابة باغة تفرقيني على خاطيبي والله لا كانت ليك

بقاووكيدافعو طاهرة باغة تمشي ولوخرا كتجرها باش ماتمشيش بقاووهكاك تا طاهرة فكات يديها من يد لارا بالجهد..طاهرة فقدات التوازون ديالها رجليها خوات بيها وهي تهبط مكركبة مع الدروج تا تزدحات مع الارض

طاهرة فقدات التوازون ديالها رجليها خوات بيها وهي تهبط مكركبة مع الدروج تا تزدحات مع الارض أمين غوت:طاااهرة لا

هبط كيجري لعندها ..طاهرة شدها حريق كيقطع فيها بقات كتبكي وتغوت شداتو من الكول ديالو و هي كتبكي:عتقني عفااك لحريق غيقتلني

ناصر هبط هو وروبي من لمكتب ديالو على صوت لغوات شاف طاهرة طايحة فلارض تصدم شاف فلارا وه مخنزر:شنوو وقع

لارا خايفة قفزات من بلاصتها:طاحت فالدروج

ماجات فين تكمل هضرتها تا لقاتو هبط.كيجري دفع امين وشد راسها بيني يديه وهي كتبكي وتغوت هزها بين يديه وكطلعها لفوق وسط غواتها كانت شاداه من تيشيرط ديالو ومزيرة تا تقطع من جيهة صدرو حطها فوق النموسية وهي تلوات على كرشها كتبكي تحنا لعندها:فين عندك لحريق واش هنا

كيحط يديه على رجليها

هزات راسها بلا وهي كتبكي خافت تقولو راني حاملة يزيد يكمل عليها ناض دغيا عيط لطبيبة تجي كيعرفها مايمكنش يديها لطبيب..

روبي دخلات لعندها وجلسات حداها:صافي صبري هاطبية جاية

طاهرة شدات ليها فيديها و هي كتبكي:شي حاجة هابطة مني ولدي طاااح ياكي

روبي بقات فيها:هاهي تجي طبيبة وتقولنا شنو كاين

طاهرة:مابغتوووش يموتلي

روبي كتفكر غادي يعرف كلشي ملي اتجي الطبيبة :صافي صبري

طاهرة عضات على لخدية وهي كتحس بلحريق ايقتلها

روبي شافت الدم فوق ليزار سايح سكتات مابغاتش تخلعها

دخل ناصر من بعد ما عيط لطبيب تصدم هو تاني فاش شاف الدم فوق النموسية

قرب وعنيه خارجين:شهادشي

روبي وقفات:ناصر

غوت:قلت شهاد شي

طاهرة شافت تحتها لقات دم غوتات:لا مايمكنش

ناصر قرب وشدها من.دراعها وزير عنيه خارجين فيها:شنو لي مايمكنش دويي

طاهرة ماحليتها لحريق لي تحتها ما حيلتها لخوف ان ولدها طاح..وعاد يديها لي غيطيرها ليها كتافات غير بلبكا غوت ليها فوجها:هضريييي شهادشي