لا تستفزي رجولتي كي لا ابعثر انوثتك

بارت 24

كل واحد ركب فطوموبيل لي كتسناه ومشا بحالو

امين وصل لدار دخل وهو يشوفها هابطة من الدروج غير شافتو بتاسمات فرحانة قربات لجيهتو

جنات:على سلامتك

امين بادلها الابتسامة:الله يسلمك

وقربها لعندو وباسها من وجها :لاباس عليك

جنات ولات حمرة:الحمد الله ونت

امين:الحمد الله

جنات:فيك جوع

امين؛لا بغيت غير نطلع ندوش ونرتاح

جنات:باينة فيك عيان

امين:شوية يلاه نخليك

طلع لبيتو دوش وتلاح فوق النمزسية ينعس

عند ناصر وصل لدار ودخل

لخدامة:على سلامتك اسي الزعيم

ناصر وعنيه على ظار:الله يسلمك..فين هي طاهرة

الخدامة:اتكون غير فلبيت

ناصر:وياسين

الخدامة:خرج قبيلة

هز راسو باه وطلع لفوق مشا لبيتو دوش لبس شي حاجة خفيفة عليه وهو يتفكرها خرج من لبيت ومشا عندها حل لباب ودخل كانت واقفة كتمشط فشعرها غير شافتو حطات لمشطة وظارت لجيهتو كتأكد واش هو بقات شحال كتشوف فيه عاد نطقات:على سلامة

ناصر غير كيشوف فيها قرب لعندها وعنيه فعنيها:الله يسلمك

طاهرة:سيمانة ونت غابر ياك لاباس

ناصر:توحشتيني

بلعات ريقها:انا غير كنسول وصافي

وهزات لمشطة كتيرح فشعرها

حط يديه على شعرها وشد خسلة منو:طوال

طاهرة هي براسها ومالاخضاتش ان شعرها طوال شافت فيه:بصاح

ناصر:ماتقطعيهش

طاهرة:كيقنطني

ناصر:وانا ماكايقنطنيش

طاهرة فدماغها:جاي بعجاجتو

هزات مقبط وجمعاتو..مد يديه وفك المقبط:ملي نكون معاك خليه مطلوق

طاهرة جلسات فوق النموسية وهي كتأفف:واش انا انبقا فهاد الدار محبوسة ماغانخرج ما والو قنطت..تا ختي مابقاتش جات لعندي..ماعرفتش علاش..ونت متسافر وكتغبر حتى كترشق ليك عاد كتجي..وملي كتحي كتبدا تغوت عليا وتحكم فيا..راني محبوسة

وبداو ينزلو دموعها هو بقا غير كيشوف فيها كيفاش دغيا بكات..هدشي ماضربها ما والو..وماقلهاش شي حاجة لي تبكيها تا لهاد الدراجة

طاهرة وهي كتمسح دموعها:قنطت فهاد.دار مابقيتش حاملاها

قرب لعندها وهو كيشوفها كتبكي كي شي بنيتة صغيرة :ولاش دموع ولبكى