لا تستفزي رجولتي كي لا ابعثر انوثتك

بارت 4

طاهرة رجعات عنقاتها :توحشتك
بقاو شحال معانقين
طاهرة جلسات فوق لكرسي وليلى جلسات حداها فلكرسي لاخر وهوما مشادين بليدين
طاهرة:عاوديلي كي دوزتي لبارح
ليلى بقات ساكتة مابغاتش تقولها والو لي فيها كافيها بلا ماتزيدها بهمها بتاسمات:انا بخير غيتة مهلية فياا فكري فراسك نتي
طاهرة تنهدات عارفة حريرتها حريرة:ربي يفاجيها
ليلى:كليتي
طاهرة:منين غيدوز بقات غا فلماكلة
ليلى:بقوة الزربة ماجبت معايا والو
طاهرة:ماشي مشكل

لكوميسير نساحب وخرج بهدوء عيط لواحد من لحراس لي تماك:اجي
جا عندو:نعام اسيدي
الكوميسير جبد لفلوس وعطاه يجيب لفطور لطاهرة وجلس كيتسناه بقا شحال وهو يجي ومعاه لفطور خداه ورجع للمكتب:احم خاص ترجعي لبلاصتك
طاهرة وقفات :واخة..ليلى سيري دابة لمحكامة عندي غدا مع 12 صافي اجي
الكوميسير:اصلا خاص تجي باش تشهدي
ليلى:وكاين علي تاهو حضر فاش كان باغي يغتاصبني
الكوميسير:صافي خاص يجي تاهو
طاهرة عنقات ختها
ليلى حلات لباب ومشات
طاهرة وقفات باش تمشي وهو يوقفها:تسناي
شافت فيه ومد ليها لبلاستيكة:هادي لابغيتي تاكلي
طاهرة مابغاتش تقول لا حيت خاص تاكل باش توجد ليام لي جاية
خداتها:شكرا
ماجاوبهاش وشدها من دراعها وداها للبنيقة وشد عليها ورجع للمكتب وبالو معاها فلاعماق ديالو عارف انها ماتستاهلش هادشي تفكر ملاميحها وعويناتها .شحال زوينة ماشي ديال التكرفيس لسوء حضو هو لجااني وهي لمتهمة ..نفض هاد الافكار فاش حس براسو زاد فيه عمرها وقعات ليه تعاطف مع شي متهم واخة يكون مضلوم

ليلى خرجات من الكوميسارية وبقات غادة وجارة رجليها كتفكر فين اتمشي ..تنهدات فيها جوع ولعطش ولعيا
مشات شحال وشمس ضاربة ليها فوجها ..جبدات طليفون كانت ل1 ..تكات على واحد الصور ماعندها عائلة تمشي لعندها لا دار تسترها لاحبيب يواسيها ..شهاد الضلم هذا كلوو لي هي فيه ..شوية وهي تفكر صاحبتها حنان..دوزات نمرتها بقى يصوني فتالي جاوبات:افين ابنتي
ليلى:حنان
حنان:نعام
ليلى:بغيت نشوفك
حنان:ياك ما هاربة من لبوليس خبارك وصلات دايرة بوووم
ليلى بلعات ريقها:لا ماهارباش
وتقطع ليها طليفون سلا الصولد تنهدات وهي تشوفها كتعيط ليها جاوبات دغية
حنان:اجي هنا فدار
ليلى:واخة
تمات غادة وهي رافدة هم الطريق لي بعيدة صونا ليها طليفون كانت غيتة قطعات عليها من قبيلة وهي تعيط..مابغاتش تجبد ليها صداع مع دارهم وعاد من داكشي لي وقع مع خوها مستحيل تولي ترجع
داز الوقت وهي توصل عند حنان صونات وهي طل عليها:تسناي
لاحت ليها سوارت:طلعي
شدات السوارت حلات لباب وطلعات لقاتها كتسناها فلباب
حنان شداتها من يديها ودخلاتها لداخل:دخلي دخلي شهاد الحالة ناري اصاحبتي
جلسو فالصالون وهي تشوف شي بنات جالسين شاديت لكارو وكيكميو ويضحكو بالجهد محيحين خت حنان:شوفي أليلى ماناقصين صدع مع لبوليس
حنان:سكتينا قلنالك ماتابعينهاش ناري شحال فيك دلهضرة
ليلى غي ساكتة وكتشوف
حنان:فين هي ختك
ليلى بداو دموعها ينزلو:تشدات
حنان:تاهي كطير حاسبة فكرها هي كيم كردشيان
ليلى ناضت باش تمشي مارضاتش
حنان شداتها:صافي صافي الله يسامح جلسي
ليلى جلسات
حنان:فيك الجوع
ليلى هزات راسها باه
حنان:نووضي يا لقحبة جيبي لها تاكل
ناضت وحدة من لبنات دخلات الكوزينة ووجدات ليها لماكلة وجابتها حطاتها
حنان:كولي ماتحشميش
ليلى شافت لماكلة نسات راسها بدات كتاكل وماهامهاش كي كيشوفو فيها سلات لماكلة كلها وشربات لما
حنان:باينة حال ماكليتي
ليلى:بغيت نعس
حنان:اجي بعدة دخلي دوشي عليك حيدي عليك هاد لحالة ودخلي تنعسي
ليلى هزات راسها باه تبعاتها دخلات دوشات وخرجات لقاتها موجدة ليها بيجامة لبساتها ودخلات لبيت نعسات
حنان خرجات جلسات حدا لبنات ختها(وفاء)؛شهاد لمحنة احبيبة ماعندناش خيرية هنايا..راه بااقي مانسيت داك لقتلة لي عطاتني ختها
حنان:سكتينا..دابة ماعندها فين تمشي انبقى كدور فزناقي..اللهم نستافدو منها حنا.
وفاء:كيفاش
حنان:ايوا لبنت زوينة ومزال نقية لكليان ايحط عليها لامواااال يلالة
وفاء:دابة هضرتي
حنان:ختك راه دماااغ
داز الوقت
كانت ناعسة حلات عنيها على صوت لموسيقى وضحك وريحة لكارو وشيشة خنقاتها ناضت جالسة شافت فالساعة لي معلقة كانت 9 شهقات نعسات هدشي كلوو..نزلات من فوق النموسية فيها الجوع بغات تاكل...حلات لباب خرجات مشات لصالون وقفات وهي كتشوف لبنات كيشطحو ...وقراعي دروج ولفوطكا فكل بلاصة وسواعدة بلباسهم تقليدي جالسين وفيديهم الشيشة وكيرميو لفلوس عليهم ..شافت لبنات لباسهم معري كتر من ماغطي
حنان شافت ليلى ناضت شداتها من يديها:اجي اجي فقتي
جلساتها حداها وشافت فواحد السعودي:أعرفك على ليلى ياشيخ شوف الزين الرباني ماشاء الله
السعودي حط الشيشة وهو كيشوف فيها:هلا والله بالزين أقول وين كنتو مخبيين هالزين
ليلى بغات تنوض وهي تشدها حنان:جلسي اصاحبتي
ليلى جلسات وهي كتشوف
الساعودي:فدييييت الحلو وعيون الحلوو..فدوة لروحك انا وفديت لبيجامة والدلع يانااااااس تعالي جلسي جنبي تعالي
حنان همسات ليها:نوضي جلسي حداه راه لفلوس غا كيلعب بيها
ليلى شافت فيه ونزلات عنيها لشكارة صغيرة لي حاط حداه عامرة فلوس وغا بزرقة
ليلى وقفات:حنان راسي ضارني
وخرجات من صالون ودخلات الكوزينة حلات التلاجة وجبدات من تماك لفروماج ولكاشير قداتهم فلخبز وكلاتهم ودخلات لبيت مزال عيانة وباغة تنعس غمضات عنيها ونعسات