لا تستفزي رجولتي كي لا ابعثر انوثتك

بارت 46

ناصر:شنو

رنيا:خطفو طاهرة من عند خويا

ناصر ببرودة:لا..اجي بعدة ماقلتي لخوك والو

رنيا:لا ماقلت ليه والو

ناصر:من الاحسن ما يعرف والو

رنيا:واخة .احم لبارح فالجلسة التصويرة داك الاسئلة كانو كيقصدوها هي

ناصر شاف فيها:او من بعد ونتي مالك

رنيا:غير سولت.خويا قالب دنيا عليها..احم عرف سمية دهداك لي خاطفها

ناصر:شنو هي هاد السمية

رنيا وهي كتشوف فيه:ناصر

ناصر بلع ريقو:وكي دار عرف هاد السمية

رنيا:كان عندها طليفون مخبياه علينا..فاش خطفوها بقا الطليفون وخويا لقاه ودخل لشي مساجات بينها وبين ختها.جابدين هاد السمية

ناصر بهدوء:وشنو اخور

رنيا:هدشي لي عرف حد الان وراه كيقلب ويبحت وخويا لا دار شي حاجة فراسو غيديرها

ناصر علا حاجبو:بطال هاد خوك

رنيا قربات تا لعندو وتحنات وحطات يديها على كتافو وهمسات ليه:لبارح كون تفرج فالحلقة كون عرف انك نت لي خطفتيها هو دكي بزاف

ناصر علا راسو وشاف فيها:شكا تخربقي

رنيا:ماخليتوش يتفرج ولكن مانضمنش شنو يقدر يوقع من بعد.بلا ماتنكر كلشي باين وواضح

ناصر دار بتسامة جانبية:او من بعد

كيهضر وهو كيتحسس فضهرها باطراف صبعانو

رنيا عضات على شفايفها وبتاسمات:ماغانقول والو وتا واحد ما ايعرف هدشي..حتى من خويا

ناصر دوز لسانو على جنب فمو :وحتى ايلا قلتي شي حاجة غتجيبيها غير فراسك.

رنيا:شكون نت بالضبط

ناصر:انا ناصر الزعيم

رنيا قربات كتر تا مابقا والو ويتلاسقو شفايفهم:كتعجبني

ناصر طلع يديه مع ضهرها بشوية تا وصل لشعرها دخل صبعانو وسطو وزير تا توجعات وهز راسها لفوق وقربها لعندو وهضر بهمس وهو عاض على سنانو:غير حيدي داكشي من بالك.وماتحاوليش تخدمي تقحبين حيت ماغا تربحي والو ناصر كيكره شي حاجة سميتها تقحبين فهميها

ودفعها تا رجعات اللور وقفات وهي كتقاد فشعرها وبتاسمات:هدشي لي كيعجبني فيك الصرامة وماكاتخاف من والو

ناصر دار رجل على رجل وهو كيشوف فيها وكيطلعها ويهبطها:باقي ماجربتي الصرامة ديال بصاح

رنيا قربات لعندو شوية وتكات حدا المكتب حداه:ماعنديش مشكل نجربها

ناصر شعل كارو وهو كيشوف فيها ساط الدخان:اي حاجة عرفتيها بلا مانوصيك راك تم