لا تستفزي رجولتي كي لا ابعثر انوثتك

بارت 26

لارا :ولكن

قاطعها:خلينا نعيشو حياتنا بحال كاع جوج مزوجين عادي..

لارا:عطيني شوية دلوقت نزيد نفكر.هدشي جديد عليا

ياسين:خودي الوقت لي يكفيك غير يكون قرارك فمحلو

لارا:واخة..ولكن الحجاب

ياسين:الحجاب ضروري

لارا:اه ولكن مابغيتش النقاب وداكشي

ياسين بتاسم:داكشي شوية بشوية..بداي بالحجاب تعلمي تستري راسك من بعد فكري فتاباقي ..

لارا:واخة غنفكر

ياسين قرب وطبع قبلة على جبهتها اول مرة غيبوسها مامنعاتوش غمضات عنيها خاص تولف بعد وشاف فيها:ملي ديري هدشي يمكن ليك تخرجي فراحتك

هزات راسها باه..ناض ودخل لحمام يدوش..تنهدات وهزات طليفونها دخلات المواقيع ديال لباس المحجبات بدات كتشوف موديلات ولباس ..كاينين ماركات عالمية خاصة بلباس المحجبات ..بقات كتشوف كاينين ستايلات زوينين شيك ومستورين..تنهدات ..وهي كتفر عندها 23 عام..خاص تفكر فحياتها

بعد مرور تلات اشهر

يلاه فاقت من نعاس كتسناه يعيط ليها كيف لعادة..كانت مخشية فبلاصتها كتشوف فكرشها شحال كبرات هدا هو شهرها لي غتولد فيه الطبيبة قالت ليها يقدر يشدك اوجع فاي لحضة..تنهدات بخوف..خافت من لولادة..خصوصا وانه 3 صعيبة..شافت طليفون كيصونني جاوبات ببتسامة:صباح لخير

ناصر:صباح االنور.كيبقيتي

طاهرة بعدات طليفون وكلاتو بلخدية لي فوق رجليها وحطاتو باش تبان ليه كريشتها:لاباس كرشي تقلاتني

بتاسم وهو كيشوف فكرشها ولات كبيرة كان فلكوزينة صغيرة لي عندو كيقاد فالقهوة وحاط طليفونو اونفاص معاه:صبري مابقاش بزاف

طاهرة بلا ماتحس بداو ينزلو دموعهاا.

شاف فيها وقرب للكاميرا:لاش كتبكي

طاهرة كتمسح دموعها:خايفة بزاف ..خايفة توقع شي حاجة ماعرفتش..

ناصر:ماغايوقع والو ماعندك مناش تخافي ياك قالت ليك طبيبة ماعندك تاشي مشكل غتولدي عادي

طاهرة مزال كتبكي:واخة هكاك..راه 3 ماساهلاش

ناصر:ولكن فاش اتهزيهم بين يديك غتنساي كلشي

بتاسمات وسط بكاها:اه هديك هي اللحضة لي كنتسنة

ناصر:ادن فكري غير فهاد اللحضة ماعندك مناش تخافي

طاهرة مسحات دموعها كترتاح بزاف فاش كتهضر معاه:واخة

هز قهوتو فيديه وهز طليفون ومشا لصالة وجلس شعل لبيسي وبدا الخدمة فيه شاف فيها:ليوم عندك الجلسة الرياضية