كانت فبيتها جالسة فوق النموسية وتصاورو قدامها..ودموعها نازلين من عنيها شلال..بتاسمات وهي كتشوف فتصويرة نهار علنو خطوبتهم..كانت فرحانة بزاف..سمعات لباب تحل ضارت شافت فيه وهزات الخدية وحطاتها فوق التصاور ومسحات دموعها:بابي
احمد قرب وجلس حداها وهو كيشوف فيها:كتخبي على باباك
ماقدراتش تصبر وهي تبدا تبكي:ماقديتش ابابي حاولت ولكن صعيب عليا بزاف..
هزات لخدية:هو راه عايش فلداخل ديالي..شنو ندير ابابي قولي عفاااك راه غنتسطة وغندير شي حاجة فراسي
جرها لعندو وعنقها:صافي ابنتي كلشي دابة يدوز
لارا وهي كتبكي:صعيب بزااااف ابابي مابغيتش نبقا هكا.بغيت نخرجو من قلبي.كيدرني بزاف
احمد كيتقطع من لداخل وهو كيشوف بنتو كتعدب قدامو وماعارفش اش يدير
علات راسها وشافت فيه:ناصر غيرجع لي ياك
احمد كيشوف فيها ماعندو مايقول
لارا:جاوبني ابابي
يلاه ايهضر وهوما يسمعو الدقان كانت لخدامة
الخدامة:سي الزعيم لتحت كيتسنة
لارا ناضت طايرة:جا باش يرجعني
احمد شدها:لا ابنتي جا حيت بغيت ندوي معاه
لارا وهي كتمسح فدموعها وقفات قدام لمراية:لا جا باش يقولي وجدي راسك للعرس باينة سمحلي
هزات لعكار ودارتو فشفايفها وقدات شعرها:انهبط نشوفو
خرجات وتبعها احمد..كان واقف وكيشوف فطليفون والابتسامة مرسومة على وجهو ..كان كيشوف موديلات ديال لبيوت ددراري صغار ..علا راسو فاش شافهم هابطين خشا طليفون فجيبو
احمد:مرحبا
ناصر:شكرا
لارا قربات سلمات عليه بالوجه:جيتي احياتي
ماعبرهاش:قلتي شي حاجة مهمة خاص ندويو فيها
لارا خلاها واقفة بحال شي بلاكة
احمد بقات فيه بنتو
ناصر:واش انبقاو هنا
احمد:اه اجي معايا لمكتب
مشاو للمكتب وجلسو
ناصر:هنا كنسمع
احمد:هضرت انا والبوس
ناصر:ايوا
احمد:قالي شي هضرة
ناصر كيشوف فالساعة باغي فوقاش يمشي:دوي
احمد:سمعني تا لاخر بلا ماتقاطعني
احمد عاود ليه كلشي:تا انا كنضن ان هدا هو الحل المناسب شنو بان ليك

أنت تقرأ
لا تستفزي رجولتي كي لا ابعثر انوثتك
Romantika#لبنااااات✋ 😘😘😘 هنا جيييت ..😆...واخة معطلة خخخ...ايميسيووووو😢😢😢😢😢 اليوم ان شاء الله انحط قصتي لي كنت وعدتكم بيها😊 امم شغا نقول ..قصتي هذي مختالفة بزاف على قصصي لي دازو حاولت نبدل اسلوبي لما حسن خخ المهيم تا تشوفو وحكمو وان شاء الله تعجبكم�...