لا تستفزي رجولتي كي لا ابعثر انوثتك

بارت 2

ليلى:عمااد عفاك ماتقطعش
هو قطع ودار طليفون فجيبو ومشا كيسلم عليهم
الاب ديالو(براهيم):كي بقات
عماد:حالتها خايبة بزاف
براهيم كيشوف فمو..لي هملها وتبع مراتو ..عمرو حتارمها ولا عطاها قيمة...كان لي قالتها مراتو هي لي كيديرها ..كيكدب مو ويتيق مراتو لدرجة قطع علاقتو بمو...بدا يحس بتأنيب الضمير وهو كيشوفها هكاك...ندم على ليام لي مشات بلا مايكون فيها مع موو دابة عاد طلعات معاه عاد عرف قيمة لام

الممرضة خرجات من عندها
عماد:واخة ندخلو نشوفوها
الممرضة:راها حالة عنيها وكتسول عليكم..دخلو وماطولوش خاص ترتاح
دخلو كاملين طبعا غير عائلتها
ضارو بيها وهي مدات يديها لعماد قرب لعندها وباس يديها وتحناكيبوس فراسها :شتي ماكتسمعيش لهضرة ياك قلت ليك شي نهار اتشدي بلاصة فالسبيطار هانتي شديتيها ايااامنة
الجدة بااسيف باش كتهضر:كتغوت عليا الكيدار بلاتي نوض ونجبد ليك داك لودنين
بتاسم:غي نوضي وماتبقايش هكا
دوزات يديها على وجهو:كبرتي الكيدار وانمشي ونخليك
عماد:مزاال ماتمشي ماغنخليكش
الجدة:فين هي داك المشة اه ليلى
عماد بتاسم:راها فدارهم
الجدة:راها بنت ناس وغا نية مسكينة تهلا فيها
عماد بتاسم:انا عاد باغيك تحضري لزواجنا خلي تا لعرس وقولي هاد لهضرة
نزلو دموعها :ان شاء الله
شافت فولدها:براهيم
تحنا لعندها:جيت اميمتي
الجدة:الحمد الله ملي انشوفك قبل نموت
براهيم:سمحيلي اميمتي
الجدة:مسامحاك من شحال هادي الله يرضي عليك اولدي
شافت فحفيدتها سارة
الجدة:تانتي هنا
قربات ليها وهي كتبكي:جدة الجدة:زيانيتي عام تقريبا ماشك
سارة كتشوف فمها هي لي منعاتها تشوفها :هنا جيت دابة
الجدة:الله يرضي عليك
وشافت فمات هماد(حسنة:ونتي اللفعة مزال هازة فقلبك من جيهتي
حسنة قربات وبدات تبكي تاهي:سمحيلي عفااك ..
الجدة:المسامحة
وشهقااات وبدات كتكح
عماد:نعيط لطبيب
زيرات ليه على يدديه:خليك...سمعني ماغنرتاح تا تكون بلاصتي حدى جدك الله يرحمو..هدي هي امنيتي اولدي قبري حدا قبر جدك
ماجات فين تكمل هضرتها تا بداو يتقلبو عنيها ويتقال لسانها بدات كتردد الشهادة وشوية بشوية دا مول لامانة امانتو ...عماد حس بيديها ترخات وغمضات عنيها وصوت لجهاز طوول مابقاش كيدير صوت مقطع ...ناض مصدوم وهو كيسمع صوت بكاهم جات الممرضة والطبيب كيجريو فحصوها من بعد شافهم كيعطيو ليها وجها بليزار..نزلات دمعة حارة من عنيه وتحنا باس يديها لي مزال مدلية وخررج ماقدش يستحمل لمنضر وصوت بكاهم خرج وتكا على لحيط حدا صحابو
لارا تأترات عنقات باها وهي كتبكي
ناصر بقا غير واقف وكيشوف ماعندهم مايديرو من غير يعزيوه ويتمناو ليها المغفرة ويكون مثواها الجنة
داز الوقت

عماد بصوت مبحاح باين فيه حزين :عيطت ليهم يوجدو ليها طيارة خاصة باش نديوها تدفن حدا جدي فشمال
ناصر:هنا غنعيط ونتأكد
امين:غنمشيو معاك مايمكنش نخليوك بوحدك
هز راسو باه