لا تستفزي رجولتي كي لا ابعثر انوثتك

بارت 43

طاهرة جلسات وبدات كتاكل كان فيها الجوع بزاف ..ماحبسات تا شبعات..ناضت مسحات يديها شافت فيه لقاتو ناعس سمعات تاني الدقان كانو جوج خدامات.جايبين حوايجها.دخلو وستفوهم فبيت تبدلال حدا حوايج ناصر..وهزو صنية دلماكلة وخرجو

طاهرة ناضت هزات فوطة ودخلات لدوش تخفاف شوية..دوشات وخرجاات لبسات عليها..وتكات فوق الفوطوي بعيدة عليه ونعسات تاهي

دازو ساعات وطاحت الضلمة

طاهرة فاقت هي لولا كتحس بالردة والدوخة لماكلة مابقاتش كترسا فكرشها..ناضت طايرة دخلات لحمام وردات غسلات وجها وخرجات وطيارة شاداها لقاتو فاق وواقف حدا لبالكون كيكمي حاولات تبان طبيعية

جلسات على جناب الفوطوي

ناصر ضار بكامل جسمو وشاف فيها:مالكي

طاهرة:والو

رما لكارو ودخل لبيت تبدال لبس عليه يلاه ايخرج من لبيت وهي توقفو:بغيت نخرج من هاد البيت شوية ملييت

ناضت ووقفات اونفاص معاه:ياك قلتي ماعنديش كي ندير نهرب..راه بزاف عليا نبقا نهار وليل هنا فلبيت

ناصر بهدوء:زيدي قدامي

مشات دغيا لبسات صندالتها وتبعاتو هبطو لتحت..دخلات لصالة وهي تشوف مو جالسة تصدمات اش جابها لهنا

ناصر غير شافها مشا لعندها:المرة الجاية بداي تلبسي مقاد وملي يجي عندي شي حد ما تبندريش قدامو

طاهرة الام كتشوف فلبسها عادي مامعيقش:صافي واخة

طاهرة قربات لعندها وبتاسمات ليها

طاهرة الام بادلاتها الابتسامة:على سلامتك

طاهرة :الله يسلمك

جلسات حداها..وهوما يشوفو لارا نازلة غير شافتهم خنزرات ومشات عند ناصر ووقفات حداه وخشات يديه فدراعو:حياتي واخيرا نزلتي

شاف فيها بلا تاشي كلمة ورجع شاف فطاهرة لي مندامجة بالهضرة مع مو

طاهرة الام كتشوف فيها وفعنيها:واش عيانة

طاهرة:لا

طاهرة الام:اها وجهك شاحب

طاهرة:لا ما كاين والو

شوية وهي تجي لخدامة:لعشا واجد

ناضووكاملين وجلسو فوق الطبلة

ناصر:فين هو ياسين

طاهرة الام:ملي خرج ما ولا رجع

ماجاوبهاش وكمل ماكلتو شاف فطاهرة غير كتلعب بلفرشيطة

طاهرة الام شافتو فين كيشوف:بنتي كولي

طاهرة شافت فيها:مافياش الجوع