لا تستفزي رجولتي كي لا ابعثر انوثتك

بارت 47

الشخص وهو مبتاسم:موافق نيت كرهت دنيا هنايا..نتوما دخلولي غا شراب ولكارو ولماكلة ونعيش حياتي كلها فلحبس ماعنديش مشكل ..تا نا كبرت اصاحبي عندي 55 عام

قادر:صاحبك جمع راسك شوية

الشخص:سمحلي اشاف..

انور:ها مسمار طرقناه

قفزو كاملين فاش تحلات لباب بالجهد وشافوه داخل قلبهم قرب يطير

دخل بخطواتو الواتقة ونيشان مشا وجلس فلكرسي اونفاص مع المكتب بحاليلا هو مولاه ودار رجل على رجل:على سلامة تجمعتو

قادر:مرحبا لقيتينا كندويو فهاد الموضوع

انور مخنزر فناصر:باشمن حق جالس فلكرسي دلوليد

ماجا فين يكمل هضرتو حتى كتجيه سقلة من عند باه

قادر:سكت ماشي سوقك

انور ولا كيغلي مارضاش ضربو قدام كلشي شاف فناصر لي داير بتسامة كيستافزو بيها:مزال كتاكل لعصة

انور بغة يهضر وهو يسكتو باه:خلينا دابة فالمهيم.هدا هو الشخص لي كان معاهم وهو لي تكلف بالقتل وهو مستاعد يسلم راسو ويعتارف بانه هو لي قتل

ناصر:انا ماسوقيش.لي كيهمني التهمة تنزل عليها

قادر:المهيم تفقنا على شغا يقولهم.ايقول بانه كانو صحاب وكيقمرو بجوج وهرب ليه بفلوسو وقرر باش ينتاقم وفنفس الليلة مشا ولقاه مضروب وغيمشي لصبيطار وكمل عليه جات هي هديك..ودابة حس بتأنيب الدمير بقات فيه لبنت ماعندها تاشي دنب

ناصر ببرودة:مزيان..

قادر:ايمشي هاد نهار يعتارف

الشخص شاف فناصر:ونت ماغاتعطينيش لفلوس ماغا ظورش معايا

ناصر ناض ووقف حداه وجمع معاه لوجه:انعطيك لعصى لا بغيتي

الشخص وهو كيشوف الدم كيسيل من فمو:لا غا ضاحك سمحلي الله يحفضك

ناصر:وانوضو شكا تسناو بغيت نحضر على كلشي.

قادر:واخة

ناضو كاملين خرجو من الشريكة.

ناصر ركب فطوموبيلتو .وقادر وولادو فطوموبيل وحدة والشخص شد طاكسي وبقاو تا بعينو تا وصل للكوميسارية

وقفو بعيد

ناصر جبد طليفونو ودوز النمرة:هاهو جاي يعتارف بغيتك تحضر على الاستجواب ديالو وخلي لكوميسير كمال هو لي يستاجوبو

البوليسي:واخة

وقطع وهو جالس فطوموبيل كيتسنة

فالكوميسارية

لبوليسي بيديه دخلو عند كمال وبدا فالاعتراف ديالو

كمال كان مركز مع كل كلمة كيقول..الشخص صدق ممتل صحيح قدر يقنعو مع شوية دلبكا