لا تستفزي رجولتي كي لا ابعثر انوثتك

بارت 11

طاهرة عنقاتها وهي كتبكي:صافي اختي ماتعدبيش راسك بحال هكا..ربي كبير دابة يعوضك

ليلى بعدات عليها:مابقيتش بغيت لولاد خاطري عافهم..وليت عارفة لا حملت ياما غيطيح اول انولدو ويموت..بلاش كاع..

طاهرة:ماتقوليش هكاا ربي راه كيشوف وحاس بيك

ليلى بقات ساكتة ودموع نازلين من عنيها

سمعو دقان.طاهرة شافت فلباب كانت لارا ودموع فعنيها دخلات وجلسات حداهم وعنيها على ليلى ماعرفاتش شنو تقولها:لبراكة فراسك الله يصبرك

ليلى شافت فيها:مامشا معاك باس

كتزيد تعدب فاش كتسمع بحال هاد الهضرة ..

نهبطو لتحت

كان ياسين جالس معاهم شاف فعماد وحط يديه على كتافو:صبر ربي ماغايخيبكش هدا لي دار هدشي ضاروري ماغايتعاقب.

عماد:داكشي لي كاين

ياسين:سمحلي ماقدرتش نجي قبل

عماد:ماشي مشكل

امين :انا انخليكم دابة.عندنا جتماع.خاص ضاروري واحد فينا يحضر

ناصر:ااه بصاح

احمد:تسنة غنمشي معاك تا نا

امين:لا غير خليك.انا غنتكلف

احمد:صافي لي بغيتي

ناض وخرج

ياسين:عماد

عماد:نعام

ياسين:ماديرش هاد الحالة فراسك راه خاص تكون قوي على قبل مراتك

عماد:ان شاء الله

بقاو جالسين شحال كيهضرو وكيحاولو يخففو على عماد...من بعد ناضو ومشاو بحالهم..كل واحد طلع لبيتو يرتاح

عند طاهرة وناصر

كانو متكيين وولادهم وسطهم..من داك النهار ولات كتخاف ...ماكاترتاح تا كتنعسهم حداها تا من اامربية جرات عليها..عارقة ماعندها تاشي دنب ولكن مابقاتش كتيق

طاهرة:بغيت شي نهار نفيق من نعاس نلقا كلشي تحل

ناصر:مابقاش بزاف كوني هانية

طاهرة:كنكلب ربي ليل ونهار باش هادشي يدوز ويتسلاو المشاكيل

ناصر تنهد:داكشي لي غيوقع ..انا غنوض دابة نمشي نشوف عماد حسبت بيه بحاليلا كان باغي يقولي شي حاجة

طاهرة:واخة ماتعطلش

باسها على راسها وناض خرج

فلبيت لاخور

كانت متكية حداه ناعسة على صدرو علات راسها وشافت فيه:بقات فيا ليلى وعماد مايستاهلوش مساكن