لا تستفزي رجولتي كي لا ابعثر انوثتك

بارت 15

انس:نشريه ليك ماتبقايش بلاش
حنان قربات ليها هي كتنغزها وتهمس ليها:يعطيك دقة شوفيه راه ملعق ديري لحل وفكينا
حنان:نعطيك نمرتي بدا تهضر معاها من عندي علامن تشري ليها طليفون
انس :تاهذا نضار
قيد نمرتها وغمز ليلى:راكي عجبتيني وباغي مزال نشوفك
وركب فطوموبيلتو ومشى
حنان:هانتي جاب ليك الله شكون يشري ليك.طليفون ..يشبعنا بعدة غا مساريا وضوران فوق لووطو
ليلى:غناخد الطليفون وندير ليه صابونة يمشي يقود
حنان جراتها:المهيم تا يخرجنا شي خرجة
ومشاو كملو طريقهم من بعد كل وحدة مشات لدارها

دخلات لدار مشات نيشان لبيت تبدل عليها وهي تشوف ختها ناعسة قربات ليها:طاهرة حبيبة مالك
زعزعاتها غي بشوية حتى حلات عنيها
طاهرة كتكسل:جيتي
ليلى كتلعب ليها فشعرها:جييت..ولكن نتي كتجي تا ل9
طاهرة:كنت عيانة شوية وما قديتش نكمل وجيت
ليلى شافت يديها وشهقات:شوفي يديك
طاهرة:ماكانش خاص نلوي عليها لفاصمة عليها ولات هكا
ليلى باست ليها يديها:انا سباب ياك
طاهرة:ولااا راه مكتاب نوضي تهزي راه فيا جوع
ليلى:خليك انا غنوجد
طاهرة:عنداك تحرقيلي لكوزينو
ليلى وهي كتبدل حوايجها:ههه ماتخافيش

نمشيو عند عماد
يلاه رجع من التدريبات حيت المبارة قربات
يلاه اينزل من الطموبيل وهو يشوف طليفونها فلكوفر بتاسم خداه ونزل ودخل لدار
مشى نيشان لللكوزينة :مي فاطمة هنا جيييت كاين مايتنكل
مي فاطمة:على سلامة..مجود لخير شرب بعدة كاس دلعاصير برد عليك شوية وغسل يديك واجي تاكل
عماد :وااخة ...مي فاطمة راه فيا لهيمري دجووع كتري كتري
خدا كاس دلعاصير هبط عليه ومشى غسل يديه ودخل لكوزينة:هنا
مي فاطمة:سير لصالة جلس هنا غنحط ليك
عماد:ولا غي هنا فلكوزينة بلاش
مي فاطمة:اولدي جلس كي ناس وكول لكوزينة ماشي بلاصة دلماكلة
ماداهاش فيها وطلع فوق بوطاجين وجلس :وصافي اري لي ناكل
تنهدات هي كضحك:فوقاش ادير عقلك
عماد:الله يهديكم عليا راني بعقلي
صبات ليه ياكل وحطاتو ليه فوق بوطاجين:كون جلستي بعدة غير فطبلة دلكوزينة
عماد وهو كيخشي فوجهو:صافي صافي دابة بديت
كلا وشبع ونزل غسل يديه تلاح عليها بتعنيقة:لهلا يخطيك عليا امي فاطمة عرفتي فاش غبرتي داك سيمانة وليت يتيم بلا بيك ههه توحشت ماكلتك
مي فاطمة:واصبغني هههه
باسها من وجها:يلاه نطلع نرتاح فلبيت

طلع لبيتو دوش لبس عليه وتلاح فوق النموسية وهو يقشع طليفونها فوق الكوافوزة ناض وهو كيتاسم هزو بقى كيشقلبو فيديه وكيشوف تصويرتها هي وختها فلافيشور بقى شحال كيشوف فيها وكيتفكر داك ليلة
طليفونها كان بشيمة :ماشي مشكل عندي لحل
ناض وجاب لبيسي وشعلو وجاب واحد.لكابلي وبرونشا طليفون مع لبيسي ..عماد قاري لانفوغ ماتيك وداكشي ديال تكنولوجيا هو ذكي فهادشي ..المهيم بقى كيخربق حتى انيلا الشيمة :ههههه نشوفو شنو عندك فهاد.طليفون
حيد لبيسي وتكى على ضهرو وهو كيخنتش فطليفون اول حاجة دار مشى لتصاور بقى كيدوز وحدة بوحدة :هههه بوزات ديال لبراهش
بقى كيشوف تا وصل لفوطو كانت جالسة فقهوة دشيشة هي وحنان وكيضحكو ..كمل الشوفان تا سلاهم:فريفرة هاد ليلى كطير غا بحدها