لا تستفزي رجولتي كي لا ابعثر انوثتك

بارت 17

وبقاو كيضحكو
ليلى حلات باب طموبيل:نمشي نقرا على راسي يلاه بسلامة
دارت ليهم بيديها باي باي ونزلات وهي كتشوف الجوقة بتاسمات عجبها لحال حتى كتسمع صوت عماد ضارت لقاتو نزل :اجي
مشات عندو:شنو
عماد جبد طليفونو:احم قيدي نمرتك هنا ...باش مانبقاش نصدع علي يمشي يخرجك من الدار
ضحكات وخدات الطليفون وقيدات نمرتها:هاهي صدعني انا ههه
وغمزاتو ومشات دخلات تقرا
علي نزل وركب لقدام
عماد.بقا حاضيها تا دخلات يلاه ايركب فطوموبيل وهوما يوقفو عليه شي دراري وشي بنات عرفوه عماد لبوكسور بغاو توقيع ديالو وقع ليهم وخداو سلفيات معاه وركب فطوموبيلتو وشاف فعلي:صااحبي نمشيو ياك
علي بنفس طريقة دعلي مرجل زعمة:نمشييو اصاحبي
عماد مسح ليه على راسو وجبد نضاضرو قبل يقلع مسحهم بقى شحال وعلا راسو وهي طيح عنيه على واحد.لبنت واقفة وكتهضر مع شي واحد فطوموبيل بقى حاضيها بعنيه حتى كيشوفها خدات من عندو شي ساشيات دغية خشاتهم فالساك ..كيعرف مزيان ديالاش دوك ساشيات ...ديال لغبرة الكوكايين ..وعاد مد ليها شي فلوس حرك ومشا خلا غا لعجاجة وراه...عرفها خدامة معا مول طموبيل وكيعطيها تبيع الكوكاين فلمدراسة ..بقات واقفة شحال حتى كيوقفو عليها جوج بنات مدو ليها لفلوس وهي مدات ليهم ساشية صغيرة من الكوكاين ومشاو

عماد:هدي ماشي مدراسة بشااااخ
وحرك وكسيرا بالجهد
نرجعو عند البنت كانت مزال واقفة حتى كيجيو عندها بنات اخرين :شوفي اري لفلوس ونعطيك ..بلا فلوس ما لاعبينش
البنت:عافاك اختي حنان راني مقطوعة هانتي شوفي كي كنرجف...شوفي غدا راجع لواليد من السفر نعطيك لفلوس مضوبلة شنو قلتي
حنان بقات كتفكر:بربي وتخوي بيا نجبدك من قلب داركم...غدا بغبت لفلوس مضوبلين سمعتيني
ومدات ليها ساشية ومشات كتقلب على شي كوان تدروكا فيه
حنان بدلات لبلاصة تقلب على لي يشري عارفة فين بلاصتهم

حنان عرفتوها بعدة(هي صاحبة ليلى)

نمشيو عند عماد

وصل علي للحومة ووقف كيهضر معاه
علي فرحان بزاف:شكراااا عرفتي اول مرة اندير شي كاسكيط دوريجين ساوية 2 دلمليو اواااه دراري ايتسطاو ملي يعرفو
عماد بقى كيضحك :تستاهل البطال دابة دير لباس وتبدا تشريها راسك
عماد.دخل ليه علي لخاطرو فكرو فاش كان صغير نفس الحلم نفس الحركات ديالو ...بتاسم:علي امم شنو بان ليك تجي تبدا ضرب عندي فنادي ديالي انا غنتكلف بكلشي ماتخممش باش تولي تانت بوكسور مشهور
علي غيطير بالفرحة تلاح عليه وعنقو: واااش بصااح كتدوي
عماد:ااه اصاحبي
علي كيهز راسو بااه:موااافق شكرااا بزاااف نت هو لبطال ديالي وصاحبي وعشيري وكلشي
عماد عجبو لحال فاش شافو فرحان هادشي لي بغة حيت تاهو فواحد الوقت كان محتاج لشي حد يوقف معاه وما لقاش تنهد:عندك طليفون
علي:ااه شراه ليا عمي فاش نجحت وجبت مزيان..ماتخافش عليا خوك قراي
عماد:ههه هدشي لي بغيت قرا مزيان ..المهيم عطيني نمرتك باش ندوي معاك وندوي مع الواليد.ديالك
علي:انا ما عنديش لواليد عائلتي ماتت عايش غي مع عمي وختي ماكيناش ماعرفتش فين مشات
عماد بقا فيه كيفاش دري بحال هدا زوين وبريئ يعيش بحال هكا مسح ليه على راسو:ايوا على هدشي خاص تقرا مزيان باش دير لاباس
علي:ملي غنولي بوكسور مشهور وندرير لاباس انرجع ختي لدار حيت توحشتها مابغيتهاش تبقا فزنقا كدور ماعرفتهاش شكا دير ونعاون ناس بحالك .بغيت نكون بحالك فكلشي
عماد عنقو هضرتو اترات فيه :دابة تلقا ختك امم انلقاوها بجوج دابة سير لدار تانعيط عليك صافي
علي:واخة
سلم عليه وركب فطوموبيلتو وكسيرا ومشا وهو كيفكر فعلي قرر باش يعاونو تا يوصل لداكشي لي بغا ..ايتكلف بماصاريفو كلها..تفكر ليلى وبتاسم هاد لبنت دخلات لدماغو بزاف عجبو لكراكطير ديالها ...مشا لنادي ديالو المشهور ماشي اي واحد كيجي ليه ويدرب فيه
دازو ساعات
ليلى كانت خارجة مع 12 تلاقات حنان ومشات هي وياها