لا تستفزي رجولتي كي لا ابعثر انوثتك

بارت 20

ناض قاد لكرافاط وتنهد وخشا يديه فجيبو وخرج وهو كيتمشى بخطوات واتقة ونضرات حادة بحاليلا ماوقع والو

عند امين

كان فالمكتب حتى كيشوف لارا داخلة عندو بتاسم ليها وناض ستقبلها سلمات عليه بالووجه
وجلسو فالفوطوي
لارا:باقي مقلق مني
امين:غي ماتعاوديهاش وصافي
لارا:صافي ماغتعاودش
امين بتاسم:ايوا ياباربي شنو سر هاد الزيارة
لارا ناضت كبات كاس ليه وليها ومداتو ليه وجلسات
امين:كديري غا لي فراسك
لارا:بابا خاصو يفهم ان المشروب عاادي..المهيم سمعني
امين:شنو
لارا:اام عيد.ميلادي قرب من دابة تلتيام
امين:ههه عارف او منبعد
لارا:غنحتافل بيه فدار لي على لبحر بغيت طاهرة توجدها لي دوقها زوين عجبني داك نهار ...ماغنعرض تاشي حد غي نت وامين وبابي وحبيبي ناصر وصافي مليت من الدجة شنو قلتي
امين بقا كيفكر:تا نسولها هي لا بغات
لارا:راه غنخلصها ماشي فابور
امين:لارا عاد.دوينا
لارا:صافي سمح لي ماقصدت فيها والو ...عيط ليها دابة عفاك
امين:تا ندوي معاها انا
لارا:دابة عفاك بحرا نيت ماتبقاش مقلقة مني ..احم راني حاسة بانهو عنيك فيها
وغمزاتو
امين بتاسم:تسناي
دوز نمرتها مدة عاد جاوبات:وي سي امين...
امين:واخة تحي عندي لمكتب
طاهرة:واخة
وقطعو وشاف فلارا:عنداك تغلطي معاها
لارا:لا كون هاني

شوية وهوما يسمعو الدقان ناض باش يستقبلها عرفها هي :دخل
حلات لباب ودخلات تبدلات مالامحها فاش شافت لارا
طاهرة:سي امين بغيتيني
قرب ليها وشدها من يديها وجلسها وجلس حداها
لارا دارت رجل على رجل وهي كتشرب من كاسها وطلعات وهبطات فيها..هاد شوفات ماخفاوش على طاهرة
لارا ببتسامة صفرا:طاهرة صافا
طاهرة بنفس الاسلوب:صافا ونتي
لارا:صافا
طاهرة شافت فامين بمعنى شنو
امين:بغيتك فواحد الموضوع زعمة لا بغيتي
طاهرة:اه تفضل
امين:لارا عيد.ميلادها من دابة تلتيام طلباتني باش نتي لي تقادي ليها لبلاصة لي غدير فيها لحفلة حيت عجبها دوقك..طبعا لا بغيتي
لارا كتشوفو كي كيدوي معاها بطريقة زوينة ومأدبة ماباغيش يحرجها حسات بشوية دلغيرة تمنات كون ناصر كيدير معاها النص دهادشي
طاهرة شافت فلارا مابغاتش ترفض على قبل امين وصافي هو عاونها بزاف واول طلب طلبو منها حشومة ترفض:اه ماشي مشكل موافقة
لارا وقفات:شحال كتخلصي
وجبدات لفلوس من ساك
طاهرة بتاسمات :لا أ انيسة هادي خدمتي وراه سي امين كيخلصني ..وهدي كنعتابرها خدمة من لخدمات لي مكلفني بيهم سي امين
لارا:لا هاد المرة غير
طاهرة وقفات:سي امين شرح ليها عفاك راه تابعاني لخدمة..لا كنتي مامحتاجنيش نمشي نكمل خدمتي
امين:شكرا...غي سيري
يلاه اتحل لباب باش تمشي وهي تحس بيه شدها شافت فيه
امين:تقلقتي
طاهرة بتاسمات:لا بلعكس عادي راه لخدمة هدي
امين:واخة سيري تانوليو ندويو
طاهرة حلات لباب ومشات

امين رجع جلس:ماكنش عليك تحرجيها ناس ماكيتفاهموش على لفلوس بديك الطريقة
لارا:ماحسابليش والله جاتني عادية دابة واش خاص نعتادر منها ولا شنو
امين:غي بعدي منها وصافي
لارا هزات ساكها:يلاه نخليك دابة..اامم قلها غدا تمشي لدار باش تبدا تقادها حيتوخاصها بزاف دلخدمة
وباستو من وجهو وخرجات