لا تستفزي رجولتي كي لا ابعثر انوثتك

بارت 16

لارا:دابة كتشفاي فيا ياك

طاهرة تنهدات دارت ليها اللمسات الاخيرة وجراتها من يديها ووقفاتها حدا لمراية :جيتي زوينة

لارا شافت راسها فلمراية وبتاسمات:باش أيفيد لا جيت زوينة.

وشافت فطاهرة:غتكوني فرحانة ياك

طاهرة:انا من طبعي ماكانحقدش قلبي حنين ومسالم دغيا كنسة.ماتربيتش فالحقد والكراهية عمري فكرت فهدشي كان كل همي فوقاش يجي راس دشهر باش نتخلص ونشري لختي لي بغات ونخلص لكريدي لي عليا .وكنحلم بشي نهار تقاد فيه حياتي..ونلقا تا انا شي ولد ناس لي يهزني ماشي مشكل يكون ملياردير المهيم يكون كيبغيني وقاد بيا .ماشي انا لي ختاريت ناصر يكون فحياتي مخططي كان بعيد عليه بزاف..عمري تخايلت انعيش هدشي لي عشتو ولي كنعيشو دابة ..ادن علاش انحقد عليك ولا عليه ولا على شي شخص..حيت هدشي لي وقع بيد الله سبحانه وتعالى هو لي راسم لينا حياتنا وكاتب لينا شغا يوقع ادن حنا كنعيشو داكشي لي كتب لينا الله.ماشي نتي ولا هو لي وصلوني لهدشي..ضاروي تعدبت وكرهت حياتي ولكن كلشي كيفوت..تانتي كتعيشي داكشي لي كتب ليك الله..ناصر مامكتابش يكون ليك..ولكن ربي جاب ليك ياسين الف وحدة تمناه حسن من ناصر عمرك اتندمي نتي محضوضة لا تزوجتي بياسين..حمدي الله وشكريه وعيشي حياتك .ماغاتلقايش بحال ياسين ..تفكري ديما (وعسى ان تكرهو شيئا وهو خير لكم)

لارا كانت كتصنت ليها فلحضة حسات بهضرتها حركات فيها شي حاجة فلداخل ديالها نسات المكتاب والنصيب وماتمشي غير فين مشاك الله..ولكن كتبقة انتى مجروحة بغات من قلبها ولكن ماكتابش يكون ليها خاص لوقت باش تنسة..رجعات شافت راسها فلمراية :يلاه نهبطو ونساليو هدشي

ماجات فين تكمل هضرتها حتى تحل لباب كان ناصر شاف فيها وقرب لعندها وفيديه لكتاب لي غتوقع فيه

لارا:كنت هابطة

ناصر:غتهبطي بهاد الحالة ونتي سكرانة

لارا:اه دابة وليت مرات سي لفقيه شراب حرام ولعرا حرام ولجلاس قدام رجال حرام

ناصر تنهد ومد ليها لكتاب:وقعي

جلسات وخدات لكتاب ووقعات :رتاحو دابة هانتوما تهنيتو من لارا لمفششة

وقفات ومدات ليه لكتاب:فرحو دابة

ناصر خدا لكتاب :راكي غير كتخربقي.وماغانديش عليك دابة

وخرج وشد لباب.لارا كتحس بلعافية شاعلة فيها ولات كترجف غير بحدها عاد سرات معاها انها تزوجات ولات مرات واحد اخور .طاهرة حسات بيها كتشوف حالتها كيف دايرة الدموع محجرين فعنيها وماباغاش تبكي..كتشوف انها مخنوقة وماعارفاش شنو دير .طاهرة قربات لعندها وعنقاتها .لارا كانت محتاجة لشي حد يعنقها وتبكي على صدرو ستسلمات لدموعها وبدات كتبكي بصوت مرتافع ..طاهرة بلا ماتحس نزلو دموعها .حالتها كتقطع قلقب وبكاها كتحسي بيه من لقلب وبحرقة ..بقاو شحال هكا..طاهرة بعدات عليها:نجيب ليك لما شربيه