لا تستفزي رجولتي كي لا ابعثر انوثتك

بارت 27

وكملو الهضرة على الخدمة تافقو على كلشي..من بعد كل واحد ناض وشد.طريقو

داز النهار عااادي..كلو خدمة للبعض..وللبعض الاخر.تفكير وتخطيط..والبعض الاخر..فوق الوسادة ناعس..

وجا نهار جديد

كانو جالسين كيفطرو حتى كيشوفو لباب تحلات

وهي داخلة وكتبكي وموراها لخدامة هازة شانطتها..

بقاو غير كيشوفو فيها مافاهمين والو

لارا وهي كتبكي:تاواحد مابقا حاملني..تا من بابا مد عليا يديه وضربني

ناصر ناض ووقف حداها:علاش ضربك

لارا عير كتبكي

ناصر شاف فالخدامة:جيبي كاس دلما..مشات دغيا كابتو ومداتولو:هاكي شربي

خداتو وشربات منو:قالك عي صابر على فشوشي لخاوي عيى مني وطلعت ليه فراسو بتصروفاتي..لدرجة مد يديه علياا..بابي عمرو ضربني

وحطات راسها على صدرو وهي كتبكي:ماجاش تا يرغبني..خلاني كنبكي بوحدي..وشافني خارجة وماقاليش جلسي .عارفة انزكلشي ماكايحملنيش..مالقيت فينونمشي وانا نحي لعندك

وعلات راسهت وشافت فيه وعنيها كيدمعو:نقدر نبقا معاك شي يامات.غير نت لي عندي فهاد الدنيا من مور بابي ..

ناصر مسح ليها دموعها:تقدري

عنقاتو:كنت عارفاك ماغاتخلاش عليا

ورجعات كتبكي:ولكن بابي ماغانسمحش ليه.ضربني وعايرني فوجهي..جرحني

طاهرة كانت كتاكل وهي كتغلي من لداخل كيفاش غتجلس معاها فنفس الدار..

ناصر:طلعي رتاحي فلبيت دابة

هزات راسها باه وطلعات لبيت

نتصر رجع جلس

ياسين:واخة يوقع لي يوقع ماختصهاش تخرج من الدار وتخلي باها

طاهرو بدون شعور:اودي هي خاصها غير السبة تلقاه ماضربهاش كاع وهي دايرة من المحبة قبة..شتي اخويا ياسين داك البنت انا لي كنعرفها..نتري واحد اللغعة كتعطي غير ملتحت لتحت..جات وجايبة معاها اامشاكيل تفووو

ناصر وهو عاض على سنانو:ماغاتسكتيش

طاهرة:هانا ساكتة ولكن ايلا ضارت بساحتي راه ماغانعقلش عليها..باقي مانسيت فاش دفعاتني فالدروج..والله حتة نكركبها من البالكون..

ناصر ضرب على الطبلة هو معصب:داك الفم غنهرسوو ليك ايلا ماسمتيش

قفزات من بلاصتها خافتو ينوض يضربها.

ياسين:بشوية على البنت..

ناصر سكت وهو مخنزر فيها

طاهرة ناضت بهدوء قبل ضبر عليها بشي قتلة مشاتولحمامزتغسل يديها ومن بعد.طلعولبيتها