لا تستفزي رجولتي كي لا ابعثر انوثتك

بارت 40

البوسة.لقات راسها كدير نفس حراكاتو واخة ماعندهاش خبرة فهدشي ولكن الشهوة كتخليك تحركي بلا ماتحسي .رخا من شفايفها بصعوبة خلاهم حومر ونزل كيبوس فعنققها ويديه كتحل فصدايف لبيجامة من جيهة دالصدر .حسات بعنقها طاب بلبوسان.نزل يديه باش يحيد لفوقاني دلبيجامة وهي تشد ليه يديه وهمسات ليه:صافي براكة مانقدرش

تعلا شوية وشاف فيها:علاش

جنات وهي كتشد صدافات لي حل ليها:مامستاعداش وصافي

كتهضر وهي كتلهت

جنات تفكرات لا وقعات شي حاجة بينهم ايعرف بداكشي لي مخبية ان خوه غتاصبها..هي مزال مامستعدة تعاود ليه هادشي..وماتقدش توسخ ليه الصورة لي واخد على خوه..هو دابة فبالو راه مزالو بنت.

جنات :عفاك خليني النوض

بعد وناض من فوقها ..جنات ناضت جالسة وهي كتقاد فحوايجها وصدرها طالع هابط كتنفس بالجهد

أمين بقى كيشوف فيها وبتاسم :اول مرة غنعس مع شي وحدة فلفراش ونبقاو بحوايجنا ومانديرو والو

ماقداتش تشوف فيه زاد حرجها بغات تنوض تمشي وهو يشدها من يديها:عنداك غوتاني تمشي تشدي عليه فلبيت شي سيمانة..راه عادي هدشي ماكاين لاش تحشمي.حنا راه كنبقاو مزوجين.عادي يوقع هادشي بيناتنا

جنات:عارفة..خليني نمشي عفاك.

رخا منها وخرجات كطير نيشان لبيتها شدات عليها وهي كتحس بقلبها ايخرج من بلاصتو حطات يديها على شفايفها وهبطاتها على عنقها مزال كتحس بقبولاتو..تنهدات وغمضات عنيها وهي كتخايل اللحضة لي كانت بين يديه..ماتنكرش كانت باغاه ومستمتعة معاه.ولكن فلحضة تفكرات خوه وشنو دار فيها وشرفها لي ضاع بسبابو..ماشي وقتو باش يعرف..باقي مامستاعدة تقولو تلاحت فوق النموسية وهي كتفكر

نمشيو عند طاهرة

رجعو لدار وطلعات لبيتها بدلات عليها وتكات ترتاح..وهي كتقول غير كانت كتخايل ماشي هو..تفكرات فاش بعدات على كمال ورجعات اللور وعلات راسها تأكد واش هو ساعة مالقات والو دورات عنيها على لبلاصة كلها والو ماكاينش..لهاد الدراجة خايفة منو لدرجة ولا كيبان قدامها

كتحس بالصخفة غمضات عنيها ونعسات

داز هاد النهار وجا نهار جديد

كي لعادة كانت كتو جد لغدا وكل شوية كتهز يديها كتلقاها كترجف غا بوحدها ماعرفاتش علاش.كملات شغالها ومشات كتوجد الطبلة صافي غدا زواجها بكمال تنهدات من حقها تاهي تعيش حياتها مابغات تفكر فوالو

عيطات لنور هبطات وجلسو كيتسناوه يجي سمعو الدقان

ناضت طاهرة ونور حلو لباب

طاهرة بتاسمات:على سلامة

كمال بادلها الابتسامة:الله يسلمك