لا تستفزي رجولتي كي لا ابعثر انوثتك

بارت 34

ناضت كتجري تلاحت عليه عنقاتو هزها بين يديه

نور:فرحت حيت جيتي من لخدمة وانا فايقة ديما كتجي وانا ناعسة

كمال بتاسم:ولاش مزالة فايقة

نور كتشوف فطاهرة لي مبلوكية فبلاصتها:جانا لجوع انا والاميرة.

كمال حطها شد ليها فيديها وبقا غادي بيها لعند طاهرة تا وقف اونفاص معاها

طاهرة غير شافتو وقفات وهي كتمسح ففمها تحرجات:سمحلي اا..

كمال:لاش كتعتادير كون فيقتي لخدامة توجد ليك شي حاجة كوليها.

طاهرة شاغت فيه النبرة دصوتو حنينة فنفس الوقت فيها الخشونة نزلات عنيها:صافي كليت

كمال بقى كيشوف فيها نسا راسو باغي يعرف عليها بزاف دلحوايج

حس على راسو وشاف فنور:خاص تنعسي غدا اتفيقي مشقلبة بالنعاس باش تمشي لمدراسة.7خاص تكوني فايقة

نور:واخة ابابا

كمال :طلعي تانتي ترتاحي

طاهرة شافت فيه:شوف لي شي بيت اخور

كمال:علاش هداك مارتاحيتيش فيه

طاهرة:لا ماشي هكاك..هداك بيتك اكيد ماغاترتاخش فشي بلاصة من غيرو

كمال يلاه بغة يهضر وهي تقاطعو نور:بابا خليها تنعس حدايا فلبيت عفاك عفاك

كمال شاف فطاهرة:شوفيها هي لابغات

نور وهي كترمش بعويناتها:عفاااك

طاهرة بتاسمات:صافي واخة

نور مشات كتجري عمقاتها شي لي خلا طاهرة توجع بصوت مرتافع

كمال حس بيها:نور بشوية عليها راها مقصحة

نور:عفاك سمحيلي.ما تقلقيش مني عفااك

طاهرة شدات ليها فيديها وبتاسمات:لا ماتقلقتش منك اصلا ماتقصحتش

نور:بحالي قبيلة

طاهرة:اه بحالك

كمال كيشوف فيها شحال كتولي زوينة وهي مبتاسنة واخة وجها شاحب وباينة فيها عيانة :طلعو تنعسو

طفا الضو وطلعو كاملين لفوق كل واحد دخل لبيت..طاهرة تخشات هي ونور فبلاصتهم

نور:عفاك ماطفيش الضو خلي هداك شاعل

طاهرة بتاسمات ليها كتشوف فيها شحال زوينة بنيتة كتحمق وهضرتها مهضومة ..شعيرها كحل حد كتافها رطيطب..عويناتها كوحل وكبار مرمشين فيم صغيور وبشرتها بيضا..بيطيزة ماشي ضعيفة حليلوة..

نور خشات راسها فصدر طاهرة وغمضات عنيها ونعسات دغية ..طاهرة بقات تلعب ليها فشعرها شحال وهي كتفكر..مرات كتبغي تكون عندها بنيتة ومرات كتبغي يكون عندها ولد..كتبغي ولد حيت كتخاف تولد بنت وتكرفس معاها .مابغاتهاش تكبر وتوحل..لبنت تعيا تقوااا..كتبقا ضعيفة قدام الراجل..مابغاتش يتعاود نفس السيناريو مع بنتها..خصوصا فهاد الوضع لي هي فيه ماعارفاش فين ايسالي هادشي..لولد كيبقا ولد غيكبر غيقصااح مع الزمان بالسيف عليه..كلما تعدب وتمرمد كلما رجع راجل وقاد بالمسؤولية..