لا تستفزي رجولتي كي لا ابعثر انوثتك

بارت 39

رنيا:انا غنتفاهم معاها مزيان.خويا مسكين كيبغيها ومدخلها لدارو وناوي لحلال معاها ونت علم الله باش لعبات ليك بدماغ

ناصر عصباتو بهضرتها ضرب فوق الطبلة وهو معصب:سكتيييي

وهز لملفات لي حداه وضربهم مع لحيط تا تشتو كاملين فالارض

رنيا تكشات فبلاصتها وسكتات وهي كترجف غير بحدها

ناصر جلس فوق الكرسي وهو كيفكر اش جابها لدار لكوميسير.ولاش هاد الزواج..تخايل بزاف دلحوايج فدماغو لي زادو عصبووه . فكرة انها اتزوج كتزيد تعصبو ولا كيغلي من لداخل شاف فرانيا لقاها خارجة وقفها بصوتو وهو عاض على سنانو:اجي فين غادة.

وقفات وشافت فيه:انا..

قاطعها:اجي لهنا.

قربات لعندو يلاه ايهضر وهو يصوني ليها الطليفون شافت فيه وهي خايفة:واخة نجاوب.خويا كيعيط لي

دار ليها ايشارة باش تجاوب

جاوبات:الو خويا..الحمد الله ونت...مزيان...خويا مايمكليش نجي لعندكم..خدامة..يلاه بسلامة

قطعات وشافت فيه

ناصر بهدوء عكس لبركان لي فلداخل ديالو:شنو قال

بدات غير كتمتم:قاليا نجي لعندهم لبارك

ناصر بنفس الهدوء:هي معاه

بلعات ريقها وهزات راسها باه

ناصر :غتعيطي لخوك وتقوليلو راكي جاية لعندهم

رنيا:واخة

بتلفة طاح ليها طليفون..ناصر خاصو غير فوقاش يشوفها تحنا وهز الطليفون ومدو ليها:فكيينا

دوزات النمرة:وي كمال...شوية ونجي لعندكم..اه ساليت لخدمة..بسلامة

وقطعات

ناصر ناض هز سوارت طوموبيل وهو كيرجف بالاعصاب.:زيدي قدامي

رنيا:هي متستاهلش تعصب على ودها

ناصر غوت فوجها:هدشي ماتدخلييش فييييه سمعتيني تحركي

قفزات من بلاصتها:صافي واخة

ناصر دار جوج خلفات وهو يشدو شي حريق مجهد فصدرو بحال شي موص كينهش فيه لدرجة النفس تقطعات فيه..غمض عنيه وهو شاد فصدرو ومزير

رنيا شافت فيه قربات لعندو وحطات يديها على كتافو:سي الزعيم ياك لاباس

حل عنيه وشاف فيها مابغا يبين والو:ماكاين والو زيدي نمشيو

حس بلحريق نقص كمل طريقو وهو كيحاول يبان لاباس تا مابقاش لحريق ورجع عادي..هبطو لتحت وركبو فالطوموبيل كسيرا بالجهد:شمن بارك

قالتوليه العنوان..ومشا ليه..والطريق كلها وهو كيفكر فيها ..وشغا يدير معاها..كان كيسوق بالجهد تا وصل لبارك ووقف..نزل هو لول ونزلات موراه