لا تستفزي رجولتي كي لا ابعثر انوثتك

🔥 لهيب الانتقام 🔥

بعد مرور يومان

كانت جالسة فلكباري لداخل..يلاه بدى يعمر..ولكليان كيدخل باش يبداو السهرة..بنهار ماكايكونش عامر بزاف..من غير ناس معدودين..

جلسات حداها هند:مالك ساكتة

طاهرة:شتو مابقاش جا يوماين ماضرب الضربة هنايا..ياك ما صافي نساني

هند غمزاتها:ياك ما توحشتيه

طاهرة:النم لي غنتوحشو..ماكرهتش ينساني ويبعد مني

هند شدات ليها فيديها:الزعيم ماكيستسلمش بسهولة تلقايه مشغول ولا شي حاجة

طاهرة:ماكرهتش تجيني خبارو قتلوه

هند:ههه قولي هو لي يقتل ماشي يتقتل

سمعو صوت روبي من موراهم جلسات حداهم:الزعيم ماعندوش أعداء حيت كلشي كيخاف منو..كان عندو مشكل فاش يلاه دخل لعالم المافيا..كلشي بغى يصفيها ليه باش يتهناو منو..ولكن ما قدروش..من بعد كلشي ستسلم ورجعو اللور..ولاو كيتفداوه وكيبعدو من طريقو باش مايخلقوش شي مشكيل معاه

طاهرة:لهاد الدراجة

روبي:مزال تزيدي تعرفيه

طاهرة بقات ساكتة فلحضة ضعفات وبغات تراجع على قرار انتقامها ولكن دغيا قوات راسها..تاهي عندها حقها من الذكاء.ماشي صعيب تا لهاد الدراجة..بلحيلة كلشي غيتقاد..وشوية دصبر

روبي :اينا شومبر كنتي فلحبس

طاهرة:شومبر كيقولو ليه الكاريان

روبي علات حاجبها و هي دايرة واحد لبتسامة مافهماتهاش الطاهرة:الكااريان

طاهرة:اه مالو

روبي:مزال كريمة تمااك

طاهرة غير تفكراتها قلبها تروع دغيا دازت بين عنيها داك المدة لي دوزاتها تماك وداكشي لي وقع:منين كتعرفيها

روبي مشى بالهاا لبعيد كتسترجع دكرياتها فداك لحبس

طاهرة:روبي

روبي شافت فيها:دوزاتها عليك ياك..مزال فيها الزملة

طاهرة تنهدات:هي غير الزملة ..حاكرة على لبنات تماك..دايرة بحال شي راجل وسطهم ..تفووو ماتفكرينيش فيها

روبي علات حاجبها:ونتي قاستك..زعمة راكي عارفة

طاهرة:نقتلها ومانخليهاش ديرها..

روبي بتاسمات:هي نوضتيها نتي وياها

طاهرة غلباتها الضحكة:هههه ويلي اخر مرة داخلة عندي لحمام كتبحلس..وانا نضرب مها بسطل دلقزدير..وخشيت ليها راسها فيه..كلاتها من عندي صراحة دالله..وخرجت قلت ليهم زلقات فلحمام هههههه..وهي لغد ليه مارضاتش تقول ضربتها خلاتها هكاك ههه