لا تستفزي رجولتي كي لا ابعثر انوثتك

بارت 41

ناصر ناض وشعل كارو ورجع جلس حداها:وشنو قصتك نتي ولكوميسير شمن زواج

طاهرة:الكوميسير.صدق راجل حن فيا ودخلني لدارو قلبو ماطاوعوش يدخلني لحبس..هاد المدة كاملة لي انا معاه عمرو تقرب مني ولا حتى حاول يديرها حتارمني فقلب دارو واخة كان بامكانو يدير فيا لي بغا كي درتي نت.ولكن لا.خلاني فراحتي..وختارني نكون مراتو واخة داكشي لي عارف عليا..خالف لقانون على ودي.كونا غاديين مزيان تاجيتي نت

شاف فيها وهضر ببرودة:عرفتي كون وقع وتزوج بيك.كنت غنقتلو بيدي..

طاهرة:هدشي لي كتعرف دير

ناصر:ونزيدك كنقسم ليك ورجعتي جبدتيه على فمك غنخسر عليه جوج قرطاسات لراس هو وبنتو الزوينة

طاهرة:واش نت بشار

ناصر:انا ناصر الزعيم

طاهرة:وتقدر تقتل بنت صغيرة

ناصر:جربي

بتاسمات:اه تديرها .نت ولدك لي باقي ماتزاد وكنتي باغي تقتلو عاد اترحم بنت صغيرة

ناصر :هانتي فهمتي دابة برافو عليك

طاهرة:جاوبني بصراحة

شاف فيها بمعنة شنو

طاهرة:تقدر تقتل ولدك زعمة كنتي ديرها داك نهار

بقاوكيشوف فيها شحال :نقدر

طاهرة:صافي ماخليتيلي مانقول

بقاو ساكتين

طاهرة ناضت:بغيت نرتاح

ناصر:رتاحي

طاهرة:غنمشي لبيتي

ناصر:من اليوم هدا هو بيتك

طاهرة:كيفاش

ناصر حط يديه فوق النموسية:وهدي هي بلاصتك

طاهرة:كيفاش انبقا نعس حداك

ناصر:اه

طاهرة:مايمكنش

ناصر وقف ودخل لحمام مسح دراعو من دم ورجع دار الدوة وخرج:راني هضرت

وطلع فوق النموسية وتكا

طاهرة بقات واقفة لباب مبلجة وهو ماغايدير غير لي فراسو.وكتحس بلعيا ومهلوكة تنهدات ومشات تكات فوق الفطوي غمضات عنيها حتى كتحس بيه هزها وحطها فوق النموسية ..بغات تنوض وهو يشدها ماخلاهاش تحرك.ما كان فيها لي ييتعاند ستسلمات وغمضات عنيها ونعسات من كترة لعيا والارهاق لي كتحس بيه

نمشيو عند كمال

خرج الطبيب من عندو ودخلات نور كتجري تلاحت فوق صدرو وهي كتبكي وترجف بين يديه خايفة عنقها وهو كيمسح على شعرها:ششش صافي ما وقع والو ماتخافيش انا معاك