لا تستفزي رجولتي كي لا ابعثر انوثتك

بارت 49

زوين موزعين فوق الرملة دلبحر..وصلو لبلاصتهم وطاهرة غير كتشوف كتحس براسها كتحلم جلسو وهي مزال كتشوف جليسة زوينة وريدوات بلخوامي مغطين لجليسة بشكل زوين وفوطويات فلزرق فلون دلبحر وفلوسط.طبلة دزاج وهاد لجليسة مهزوزة لفوق بأرض خشبية ..شافت ناس جالسين وفرحانين..عيالات كلاس شادين لكارو كيكميو عادي قدام رجالاتهم ونص حواراتهم بالفرنسية ولا الانجليزية.ماحسابليهاش ايجيبها لبلاصة بحال هادي.حساب ليها ايمشيو غير لبحر عادي يجلسو شوية.شافت فناصر لقاتو شاعل جارو وكيشوف فيها :عجباتني هاد لبلاصة

ماجاوبهاش من غير شوفاتو لي غياكلوها وابتسامة خفيفة على وجهو..دار يديه مور ضهرها مانتابهاش كانت مركزة مع الاجواء ..ناصر كيشوف فيها ماعرفش علاش حاس براحة وهو كيشوفها فرحانة ومرتاحة..هبط يديه بشوية على ضهرها تا وصل لخسرها وجرها لعندو كتر هي قفزات وشافت فيه لقاتو كيشوف فيها ..بقاو شحال هكاك شي كيشوف فشي ..ماحسوش براسهم تادخلو فقبلة حنينة بلا ماتحس طلعات يديها لصدرو بشوية وهي متجاوبة معاه ماعرفاتش كي دارت ترخات وتجاوبات معاه كانت عايشة معاه اللحضة .ناصر زاد.جرهالعندو كتر ويدو مور ضهرها كتحرك بشوية ..قفزات فاش سمعو صوت شي وحدة رجعات اللور وهي كتلهت مابغاتش تشوف شكون بقوة لحشمة.ومارضاتش انها ستسلمات ليه وباستو كانت حانية راسها وهي كتسترجع انفاسها

سيرفورة:مرحبا اسيدي

وحطات حداهم قائمة ديال المأكولات وخرجات وقفات بعيدة عليهم علامن يختارو شغا يتغداو

طاهرة مزال منزلة راسها شاف فهمها شد ليها فيديها:أتبقاي هكا ولاشنو بحاليلا اول مرة

طاهرة شافت فيه وبعدات يديها عليه:فيا الجوع

خدات القائمة وهي كتشوف هاد لبلاصة كيقدمو فيها الاكل لبحري زوين غير قرات سنمة دلكروفيط قلبها قفز تشهاتو

جات المضيفة طلبو شغا ياكلو ومشات

طاهرة شافت فيه المفروض تاهو ياكل شي حاجة بحرية ولكن لا طلب لازانيا تفكرات تا داك النهار فاليخت ماكلاهش..وديما فالغدا فاش كيكون لحوت ماكايقيصوش

طاهرة:ماكاتاكلش الحوت

جاوبها وهو كيشعل كارو:لا

سكتات هاهي حاجة وحدا خرا عرفاتها عليه .دازت ربع ساعة وهوما يجيبو لغدا طاهرة تقادات فالجلسة وهي كتشوف لكروفيط قدامها مطيب بجميع الطرق ..ومقادينو فطبصيل كبير بتاسمات وهي كتشم ريحتو كتغلغل ليها فالاعماق بدات كتاكل وهي كتلدد بيه ..ناصر غير كيشوف فيها وهي كتاكل بحال شي بينة صغيرة قدامو .هز الفورشيط وبدا كياكل وعنيه مانزلاتش عليها ..طاهرة مارتاحت حتى كملات الطبصيل كلو شافت فيه لقاتو سلا ماكلتو وكيشوف فيها..خافت يكون حس بشي حاجة هزات لمنديل وبدات تمسح فمها وهي كترمش فعويناتها:مافطرتش مزيان ولبحر كيوكل