لا تستفزي رجولتي كي لا ابعثر انوثتك

بارت 4

طاهرة قلبها كيزدح:بغيت نمشي

طلع يديها مع ضهرها وهو كيتحسس جسمها تا وصل لكتافها وبشوية دوز يديه على عنقها فين كاينين لاتار ديال يديه ورجع شاف فعنيها لي مافارقوش عنيه وحط راسو على راسها:ماتبقايش تستافزيني باش مانأديكش..بقاي ديري داكشي لي قلت ليك.حيت ايلا تعصبت يقدر نقتلك

وبعد راسو :سمعتيني

طاهرة:دابة لاش جايبني لهنا بالضبط..باش تعدبني وتاخد داكشي لي بغيتي مني..ولا باش تحميني.

ناصر وهو مركز فحركات شفايفها:بجوج نعذبك فاش نبغي..واخة مزال ماخديت داكشي لي باغي..ولكن غناخدو..ونحميك..حيت درتك فبالي..وغير انا بوحدي لي عندي لحق نعدبك سمعتيني.ماشي كنحميك على شي حاجة

طاهرة:اينا نوع من لبشار نت.مازال مافهمتك

ناصر كيحيد خصلة من شعرها كانت على وجها:أنا واحد لي عمرك اتكوني شتي بحالو..ولي غتكرهي نهار لي شتيه..ايلا ماسمعتيش لهضرتو

طاهرة:وايلا بغيت نمشي بحالي..مانبقاش معاك

شاف فعنيها:مايمكنش

طاهرة دفعاتو بشوية باش يبعد عليها:دابة علاش هدشي كلو شنو درت ليك..شنو لي خلاك تطمع فوحدة كانت مع صاحبك.وتغدر بيه.شنو هو هاد السبب لي خلاك تكرهني

طاهرة عارفة كلشي ولكن بغاه ينطقها هو بفمو

ناصر كيحرك صبعانو على كتافها:حيت رشقاتلي عليك.وحيت نتي ماكتسوايش.

طاهرة علات حاجبها شوية كانت اتقولو بحال مك تا لاخر لحضة وهي تسكت.عارفة لاقلتهالو غيدفنها فبلاصتها

بقات ساكتة شافت قرعة دلويسكي خاوية مشات وجابت ليه قرعة ومداتها ليه وعنيه فعنيها مزال باغة تلعب ليه على أعصابو حطايت يديها تلى كتافو تعلات لعندو وهضرات ليه فودنيه:تو تو تو ماشي هاكة.نت معقد.عندك شي سر.باينة فعنيك .كيفضحوك.لعيب ماشي مني لعيب منك نت .انا عارفة راسي شنو ساوية.ونت فلاعماق ديالك.عارفني مزيان شكا نسوة.وأني نقية.غير نت لي باغي توسخني.عتارف باش نتفاهمو.عتارف انك معقد من لعيالات.واحلين ليك هنا

وحطات يديها على حلقها ورجعات اللور وهي مبتاسمة باش تستافزو كتر

هو دور لسانو على فمو وعلا حاجبو وكيشوف فيها ببرودة عكس نار لي فلداخل.كانت كتشوف فيه كتسنى اي ردة فعل عارفة غيخدم يديه وغيضربها ولكن ماغتستحملش كل مرة يهينها فكرامتها وتكمت ليه.بغات تخلي ليه جوج كلمات يبقاو كيحفرو فيه ملي يتفكرهم تخلي بصمتها حارة تاهي..شوية حسات بداكشي بارد هابط عليها شافت فيه كان كيخوي عليها لقرعة دلويسكي شهقات وهي كتحس بلمشروب بارد كيدخل تحت ديباردو وينزل على جسمها

ناصر جمع معاها بصقلة تا لسقات مع لحيط..خرج بريكة من جيبو شد جزء من لكاب لي لابسة وشعل فيه لعافية وهي كتنتر منو وكتغوت كتشوف لعافية طالعة مع لكاب حسات بيديها تشوطات تحرقات بقات كتغوت وكتبكي كتحاول تطفيها شافت فيه لقاتو واقف وكيتفرج..دغيا زربات حيدات لكاب ورماتو فلارض..رجليها فشلو بلخلعة كان باغي يحرقها جلسات فلارض هي شادة فيديها لي تحرقات شوية حرقة صغيرة وبقات كتشوف فيه وعنيها دامعين..قرب وتحنا لعندها:لمرة جاية غنشعل فمووك لعافية كلك تاتبقاي كتفركلي هنا..انخليك تا تحرقي مزيان ونكب عليك سطل دلما تبقاي عايشة حياتك كاملة مشوهة .سمعتيني