لا تستفزي رجولتي كي لا ابعثر انوثتك

بارت 13

طاهرة:مالنا كنا مضابزين
سوسو طارت عليها وعنقاتها:شتي نتي تيتيييزة اصاحبتي
طاهرة تنترات منها:تا لتعناق مالاعبينش
سوسو:هههه صافي

شوية وهي دخل هند كتجري وكتنقز
طاهرة:اويلي مالك
هيند :ااااح جااا وغيجلس على برااااا
طاهرة:شكون هذاا
هند:حبيب قلبي الزعيم
طاهرة:شكون هاد الزعيم
سوسو :نااري داك لبوقووس زين دلعالاام...اااح قلبي
هند:نااري يا صوفي هذا راه كيسالي معايا
طاهرة:ودابة شكون وخلاص
هند:اجي جلسي نقولك وحلفيلي ماتقولي لتاشي حد قلت ليك..روبي ماكتبغيناش نعاودو لاسرار..واخة كلشي عارف
طاهرة:واااخة غي دوي
هند شافت فسوسو:تا نتي .واخة راكي عارفاه شكون
سوسو دارت حركة بيديها:كوني هانية ازين
هند:هذا يالالة الزعيييم..اكبر مافيووزي ..رجولة ولخشونة...صعيب مع راسوو..كلشي كيخاف منووو...احح قلبي فكرتيني فياامي معاه يامات لحلوة ولعسل
طاهرة:قلتي مافيوزي..يعني لعصابات وداكشي
هند:ااااه تاواحد ماكيعرفووو..لبوليس عياو يقلبو وعمرهم لقاوه
طاهرة:اهااا صعيب مع راسو

هند:هو غي صعيب وسكتي..راه بمجرد يشوف فيك لما يوقف ليك فركاابي..سوليني انااااا
طاهرة:ونتي شنو بينك وبينو
هند:شغا يكون بيني وبينوو...سمعي فاش يلاه جيت لهنا كنت مزال جديدة هنايا..جا وشافني وعجبتوو..وعجبني..بل حمقني..داني معاه لواحد.دار..وخلاني...ولا كيجي لعندي كل ليلة..احم..كنديرو لي بيتيز ويمشي بحالو..دازت سيمانة وانا نطلع ليه فراسو..ورجعني لهنااا
طاهرة:وكتقوليها بكل برودة
هند:واش كتعرفي شنو معنة تكوني مع زعيم فلفراش ويقيسك ويبوسك اااحراه احسن حاجة لحد الان عمري شت بحالو..واخة كان بعد لمراات فاش كيكون معصب كيكرفسني فلفراش ولكن هانية وليلة زوينة فاش كيجي سكراااان جايب لكاو كيكون حنييين بزاف كيحسسك بحاليلا كيحماق عليك ..كيسيفطك لعالام اخوور
طاهرة:حمستيني نشوف هاد الزعيم
هيند:غاتشوووفيه راه ايكون حاضر فاش اتغني سعدااتك
طاهرة:ايوا مزيان
هند:ولكن اجي نوريهوليك من لبعيد راه جالس باش تعرفيه ملي تكوني كتغني
طاهرة:واخة
خرجو ووقفو فواحد لبلاصة كطل على لكباري
هند:راهو
طاهرة كتقلب بعينيها:فين هيند:وا لخرااا اونفاص معاك
طاهرة شافت فين كتشوف وهي تصدم طلعات معاها التبوريشة وصخانة وااسخفة كلشي تجمع عليها..شافتهم جالسين بجوج ومعاهم روبي..أمين وناصر الزعيم
بلعات ريقها ورجعات اللور وهي شادة فقلبها
هند بتاسمات:شتي شنو قلت ليك
طاهرة ماداتهاش فيها ومشات طايرة دخلات لبيت وهند تابعاها:اويلي مالك
طاهرة يلاه اتجاوبها وهي تسمع صوت روبي:شكاا تسناااي راه خاص تكوني بديتي تغني
طاهرة شافت فيها لقاتها مخنزة مالقات ماتقول ليها هزات راسها باه وهي كترجف
روبي:هنا غنمشي وتبعيني
طاهرة شافت كاس دلما هزاتو وهبطات عليه فدقة
هند:دوي ماالك
سوسو:ناري هدشي غي شتيه اما لا قاسك تسخفي هههه
طاهرة شدات فهند:عفاااك انا مزااااوكة مابغيتهمش يشوفوني
هند:شكون هادو
طاهرة كترجاها بعنيها:نااصر وأمين
هند حلات فمها:منين كتعرفيهم المسخوطة
طاهرة:ماشي وقت هاد الهضرة عتقيني داابة
هند:فهمني بعدة شنو وااقع
طاهرة غوتات:وااا منبببعد اصاحبتي..دابة عتقيني ماخاصش يشوفوني ديري شي حاجة باش مانطلعش نغني ها لعاار
هند:بغيتي روبي تقلب علينا دنياااا..تسناي نفكر...
بقات كتفكر هي طيح ليها فكرة فبالها:لقييتها..تسنااي
مشات كتجري ورجعات وفيديها شي حاجة:ديري هذا فوجهك
طاهرة خداتو:زعمة نتلتم
هند:هذا هو لحل لمناسيب
طاهرو خداتو وهي كتشوف فيه.كان لتام ماشي تووب..مصوب من لموزون ديال نحاس.كيديروه راقصات ..وقفات حدا لمراية ودارتو..كانو كيبانو غا عنيها الرماديين..زادو بانووو بطريقة جدابة مع رموشها كتاف...بقا شعرها لكحل مطلوق على ضهرها مع كسوة طويلة لاصقة عليها ومبينة مفاتينها فدهبي نفس لون لتام..وعريانة من ااصدر وكلها كتبري..
هند:واسيري راه ماغيعرفوووكش.روبي غتحيح لا زدتي تعطلتي
خرجات وهي كترجف خايفة بزااف كي غدير تغني وهوما كيشوفو فيها..وصلات للخشابة وطلعات ونيشان شعلو الضو من فوقها وبدات الموسيقى..ماقداتش تشوف لجيهتهم كانت كتشوف لبعيييد