كمال:واخۃ هاد الضحك.غنهجرها ليك.الالۃ ملاك.
روبي بقات غير كتشوف فيه وهو خارج شد باب اابيت بساروت تنهدات باغۃ تخرج طلات من لبالكون شافتو ركب فطوموبيل ومشا خلاتو تا مابقاش كيبان دخلات هزات سوارت طوموبيل وتحنات تحت النموسيۃ خشات يديها وهزات سوارت مخبياهم عليه كانت لقاتهم فلبيت مخبيين حلات لباب وخرجات كتسلت يلاه اتهبط فدروج وهي توقف.فاش شافت نور خارجۃ من لبيت
نور ونونوس ديالها فيديها:نتي بابا معاقبك لاش خرجتي.من.لبيت
روبي قربات لعندها تحنات لمستواها خدات منها.نونوس وقطعاتو قدامها.تاتشتت الصوف لي فيه فلارض:هكا غندير ليك لا قلتي لباباك شي حاجۃ نونوس قطعتو غير بيدي ونتي انقطعك بلموس لي كتقطع بيه لخدامۃ لحيمۃ لي كتاكليها سمعتيني ولا.نعاود نشرح.ليك ازوينۃ
نور ولات كترجف بلخلعۃ تحجرو دموع فعنيها
روبي جراتها.من.يديها ودخلاتها لبيت:طلعي فوق نموسيتك وغمضي عنيك ونعسي يلاه تحركي
نور قفزات من بلاصتها طلعات فوق النموسيۃ وتكات وغمضات عنيها وهي كتبكي وتشهق
روبي غوتات بحدۃ:قطعييي لحس
نور زيرات علی عنيها وكتمات شهقاتها
روبي خرجات وشدات لباب وهبطات بشويۃ علی ريوس صبعانها شافت لخدامۃ فلكوزينۃ كملات طريقها وحلات لباب طلات بشويۃ شافت لعساس واقف وكيكمي.وعاطيها بضهر مشات بزربك بلا مايحس دخلات للجردۃ مشات نيشان هزات سلوم عارفۃ بلاصتو لسقاتو مع الصور وطلعات من بعد نقزات نفضات يديها من لغبرۃ وركبات فطوموبيلتها حاطاها.تماك غييير طوموبيل لي واخد ليها كمال سوارتها هادي ديال لخدمۃ كسيرات نيشان لدار ناصر مسافۃ طريق وكانت تماك نزلات ودخلات لقات عماد جالس فصالۃ وكيلعب فطليفون
عماد غير شافها بدا كيضحك
روبي.جلسات حداه:مالك.كضحك
عماد:هههه جيتي العروسۃ ههههه مامتيقش روبي تزوجات.صدمتيني
روبي ضرباتو.علی كتفو :جمع راسك
عماد:علاش خبيتي علينا كون عاوناك
روبي شعلات كارو وشافت فيه:مابغيتش خويا يتعقد فحياتو انا عارفۃ كون.رفضت كان غيديرها ويوري لعلي.كلشي
عماد:هاد كمال داير هادشي كامل باش يعرف.شنو كاين حضي.معاه
روبي:ماعندو ما يعرف من عندي انا.غير ايعدب راسو ..كيبقات بعدۃ طاهرۃ
عماد:مزال.شادۃ عليها فلبيت ناصر ملي مشا وهو يعيط ليها ماكاتبغيش تدوي معاه
روبي:ايوا دابۃ تولف وامين
عماد:ماشتوش
روبي تنهدات :غنطلع نشوف طاهرۃ ونمشي.قبل يجي.داك.الزامل
أنت تقرأ
لا تستفزي رجولتي كي لا ابعثر انوثتك
Romansa#لبنااااات✋ 😘😘😘 هنا جيييت ..😆...واخة معطلة خخخ...ايميسيووووو😢😢😢😢😢 اليوم ان شاء الله انحط قصتي لي كنت وعدتكم بيها😊 امم شغا نقول ..قصتي هذي مختالفة بزاف على قصصي لي دازو حاولت نبدل اسلوبي لما حسن خخ المهيم تا تشوفو وحكمو وان شاء الله تعجبكم�...
